Хэгъэгум волейболымкIэ изэнэкъокъу хэлэжьэрэ хъулъфыгъэ командэхэу апшъэрэ лигэм икупэу «Б-м» хэтхэм я 6-рэ къекIокIыгъом зэIукIэгъухэр щыряIагъэх.

Мыекъопэ «Динамо-МГТУ-м» иешIэгъухэм якIэуххэр къыхэтэгъэщых. Къалэу Тюмень зэнэ­къокъур щыкIуагъ. Мэзаем и 3 — 6-м ешIагъэх. «Динамо» Ижевск — «Динамо-МГТУ» Мыекъуапэ — 3:1 (25:19, 23:25, 25:20, 25:21). «Тюмень» Тюмень хэку — ЦОП Краснодар край — 3:0. «Тюмень» — «Динамо-МГТУ» — 1:3 (22:25, 25:21, 15:25, 14:25). «Динамо» Иж — ЦОП — 3:0. «Динамо» Иж — «Динамо- МГТУ» — 3:1 (25:19, 21:25, 25:21. 25:21). «Тюмень» ЦОП — 3:0.

Мэзаем и 6-м зэрешIагъэхэр

«Тюмень» — «Динамо-МГТУ» — 0:3 (20:25, 17:25, 20:25). «Динамо» Иж — ЦОП — 3:0.

Я 7-рэ къекIокIыгъор къалэу Шытхьалэ (Белореченск) гъэтхэпэ мазэм и 1 — 4-м щыкIонэу щыт. «Кристалл» Воронеж, «Обнинск» Обнинск, ЦОП, «Динамо-МГТУ-р зэIукIэщтых.

«Динамо-МГТУ-м итренер шъхьа­Iэу, Адыгэ Республикэм иза­служеннэ тренерэу Павел Зборовскэм къытиIуагъ тиешIэкIо нахь ныбжьыкIаIохэр зэнэ­къо­къум зэрэхэлажьэхэрэр.

ЧIыпIэхэр

1. «Обнинск» — 48 2. «Кристалл» — 46 3. «Дагъыстан» — 44 4. «Динамо» Иж – 44 5. «Ставрополь» — 27 6. «Динамо-МГТУ» — 24 7. «Ростов-Волей» — 23 8. «Тюмень» — 8 9. «Грозный-2» — 3 10. ЦОП — 3.