«Динамо-МГТУ» Мыекъуапэ – «МицуБаскет» Липецк – 105:75 (26:25, 34:10, 18:12, 27:28). Щылэ мазэм и 29-м АР-м испорт Унэшхоу «Ошъутенэм» щызэдешIагъэх.

Зезыщагъэхэр: А. Андреев – Пятигорск, Е. Клиндухов – Санкт-Петербург, А. Сарайкин – Краснодар. «Динамо-МГТУ»: Чичайкин – 11, Гапошин – 2, Милютин – 4, Сизов – 53, Кочнев – 6, Суслов – 3, Рябов – 2, Александров – 3, Воротников, Чаленко – 13, Каренин – 8. «МицуБаскет» къыхэщыгъэхэр: Ярмак – 24, Крыков – 24, Рытенко – 14.

Зэнэкъокъур

ТекIоныгъэм икъыдэхын «Динамо-МГТУ-р» фэбанэзэ, щысэшIу къыгъэлъэгъуагъ. Павел Сизовыр тиешIакIохэм нахь къахэщыгъ. Хъурджанэм Iэгуаор ридзэнымкIэ зы зэIукIэгъум рекорд щимыгъэу­цугъэми, гъэхъэгъэ ин ышIыгъ.

Павел Сизовым очко 53-рэ зы ешIэгъум къыщихьыгъ. Очкоуи 2 дзыгъохэр гъогогъу 18 зегъэцакIэм, 16-р хъурджанэм ридзагъ. Тазыр дзыгъуи 9-р хъагъэм ри­дзагъ, зыкIи блэугъэп. Очкоуищ дзыгъуи 9-м щыщэу 4-р хъурджанэм ридзагъ. Мэшэлахь.

«Динамо-МГТУ-м» итренер шъхьа­Iэу, Адыгэ Республикэм изаслуженнэ тренерэу Андрей Синельниковым къытиIуагъ нахьыпэкIэ тикомандэ хэтыгъэ спорт­смен цIэрыIоу Сергей Ивановым зы ешIэгъум очко 56-рэ къызэрэщихьыгъагъэр.

П. Сизовым рекорд ымыгъэуцугъэми, иIэпэIэсэныгъэ къыгъэлъэгъуагъ. Хъурджанэм ычIэгъ ар пхъашэу щэбанэ, Iэгуаор псынкIэу къаIэкIехы. Хъагъэм Iэгуаор ридзэ зыхъукIэ, шIыкIабэ къегъоты.

В. Чаленкэр, нэмыкIхэри дэгъоу ешIагъэх. «МицуБаскетым» гуетыныгъэ хэлъыгъэми, текIоныгъэр къыдихыным фэхьазыры­гъэп.

ЯтIонэрэ зэIукIэгъур

«Динамо-МГТУ» – «МицуБаскет» – 113:64 (29:18, 26:15, 30:15, 28:16). «Динамо-МГТУ»: Чичайкин – 3, Суслов – 10, Рябов – 14, Александров – 2, Воротников – 10, Гапошин – 9, Чаленко – 14, Каренин – 10, Милютин – 14, НатIэкъу – 9, Сизов – 10, Кочнев – 8.

«МицуБаскетым» къыхэщыгъэ­хэр: Кузнецов – 16, Крыков – 11.

Опыт зиIэхэр, нахь ныбжьыкIаIохэр зэгурыIоныгъэ ахэлъэу тикомандэ щешIагъэх, текIоны­гъэр къыдахыгъ. НыбжьыкIэхэм къахэтэгъэщых Д. Сусловыр, Д. Чаленкэр, М. НатIэкъор, Ю. Рябовыр.

Пресс-зэIукIэр

– Финалым тыхэфэным тыфэбанэ, зэIукIэгъу къинхэр къытфэнагъэх, – къытиIуагъ «Динамо- МГТУ-м» итренер шъхьаIэу Анд­рей Синельниковым. – «Русичи» ыкIи «БАРС-РГЭУ-м» ешIэгъоу адытиIэщтхэм ялъытыгъэр бэ.

ТиешIэкIо ныбжьыкIэхэм НатIэкъо Мэдин къахэхъуагъ. Мыекъопэ гимназиеу N 22-м ар щеджэ, илъэс 18 ыныбжь, иапэрэ тренерыр Андрей Синельников.

Хэт тыдэ щыIа?

1. «Тамбов» – 51 2. «Металлург» Мг – 45 3. «Чеб.Ястребы» – 44 4. «Динамо-МГТУ» – 43 5. «Русичи» – 42 6. «ЧелБаскет» – 42 7. «БАРС-РГЭУ» Р – 39 8. «Нефтехимик» Тб – 38 9. «Новомосковск» – 35 10. «Динамо» Ст – 35 11. «МицуБаскет» Лп – 31 «Динамо-МГТУ-м» ешIэгъу 28-рэ иIагъ, 15-р къыхьыгъ. Мэзаем и 8 – 9-м «Динамо- МГТУ-р» Чебоксары, мэзаем и 12 – 13-м «Ростов-на-Дону» аще­шIэщт.