Гавердовскэ тхылъеджапIэм иIофышIэхэм гурыт еджапIэу N 18-м иапшъэрэ классхэм (якIэлэегъаджэр Любовь Мартыновар) арысхэм апае шIуагъэ къэзытыщт сыхьат джырэблагъэ афызэхащагъ. Ащ зэ­ре­джагъэхэр «Сыдым щыща терроризмэр?»

Iофтхьабзэм ипэублэ терроризмэр зыщыщыр, ар зэрэзэтефыгъэр, тарихъэу пылъыр кIэлэ­еджакIохэм къафаIотагъ. Тер­рористическэ хъугъэ-шIагъэу ­ мы аужырэ илъэсхэм дунаим щыхъугъэхэр агу къагъэкIы­жьыгъэх.

ШIуагъэ къэзытыщт сыхьатэу кIэлэеджакIохэм афызэхащагъэм хьакIэу къырагъэблэгъагъ щысэтехыпIэ афэхъущт волонтерэу Константин Бутченкэр. Терроризмэм епхыгъэ тхьамыкIагъо къэхъумэ узэрэзекIощт шIыкIэхэр ащ ныбжьыкIэхэм къафиIотагъ.

— Аужырэ илъэси 10-м мыщ фэдэ хъугъэ-шIэгъэ инхэр къыз­щыхъугъэхэр Урысыер ары, — къыIуагъ волон­терым. — Ахэм ахэкIодэгъэ цIыфышъхьэ пчъагъэр бэкIэ нахь макIэщтыгъэ, зэрэзекIощтхэ шап­хъэ­хэр ашIэщтыгъэмэ. Тэ ти­пшъэ­рылъыр сыд къэхъугъэми, акъы­лыр зэ­хэфыгъэу гупшысэным фэшI рэхьатныгъэ тхэлъыныр, хъурэ-шIэрэм ты­щыгъозэныр ары.

«Террорыр щэрэмыI!» зыфиIорэ къэгъэлъэгъоным къэзэрэугъоигъэхэр еплъынхэ амал яIагъ.

Н. О. Алексеевар. Гавердовскэ къоджэ тхылъеджапIэм иIофышI.