Кстово щыбэнэщтых
Урысые Федерацием самбэмкIэ изэнэкъокъу Нижегород хэкум икъалэу Кстово щылэ мазэм и 30-м щырагъэжьэщт.Илъэс 18-м нэс зыныбжь кIалэхэр, пшъашъэхэр зэIукIэгъухэм ахэлэжьэщтых. Апэрэ ыкIи ятIонэрэ чIыпIэхэр къыдэзыхыхэрэр дунаим, Европэм якIэух зэIукIэгъухэм ащыбэнэщтых.
Хэгъэгум иныбжьыкIэхэм язэнэкъокъу зэфэшъхьафхэм медальхэр нахьыпэкIэ къащызыхьыгъэхэ тибэнакIохэр Кстово кIощтых. Мэлгощ Адам, Кобл Рэмэзан, Екатерина Соловьевам, ЛIыхъурэе Мурат, Нащ Расул, нэмыкIэм загъэхьазыры, — къытиIуагъ Адыгэ Республикэм самбэмкIэ испорт еджапIэ ипащэу, Урысыем спортымкIэ дунэе класс зиIэ имастерэу Делэкъо Адамэ. — БэнэкIо 15 фэдиз Кстово дгъэкIощт.
Урысыем иныбжьыкIэхэм самбэмкIэ язэнэкъокъу мэзаем и 3-м аухыщт. ЗэIукIэгъухэр зэрэкIуагъэхэм шъуащыдгъэгъозэщт.