«Университет» Ижевск – «АГУ-Адыиф» Мыекъуапэ – 29:26 (18::17). Щылэ мазэм и 21-м Ижевскэ щызэдешIагъэх.

«АГУ-Адыиф»: къэлэпчъэIутхэр: Ламзина, Баскакова; ешIакIохэр: Клименко – 3, Краснокутская – 2, Никулина – 1, Кириллова – 1, Колодяжная – 1, Морозова – 3, Куцевалова – 9, Казиханова – 3, Казанджян – 1, Поршина, Краснова – 1, Кобл – 1.

«Университетым» къыхэщыгъэ­хэр: Кандакова – 6, Чужанова – 5, Береснева – 5.

Апэрэ такъикъхэм къащегъэ­жьагъэу «Адыифым» ешIэгъур къыхьыщтыгъ. Пчъагъэр зэрэлъы­кIуатэщтыгъэр: 1:2, 2:3, 5:6, 7:8. Я 16-рэ такъикъым 7:9, я 22-рэ такъикъым пчъагъэр зэфэдэ хъу­гъэ — 12:12. ЯтIонэрэ едзыгъом «Университетыр» «Адыифым» ыпэ ишъыгъ — 22:20. ЗэIукIэ­гъур аухынымкIэ такъикъ 18 къэна­гъэу Д. Казихановам хъагъэм Iэгуаор редзэ — 22:21. Е. Краснокутскаям пчъагъэр зэфэдиз ешIы — 22:22.

ТекIоныгъэр зыхьыщтыр язэрэмыгъашIэу къэлапчъэм Iэгуаор дадзэ – 23:22, 23:23, 26:24. А. Морозовамрэ Т. Кирилловамрэ хъагъэм Iэгуаор радзэ. ЕшIэгъур аухынымкIэ такъикъи 5 къызэнэм, К. Обуховскаям «Адыифым» икъэлапчъэ Iэгуаор къыдидзагъ – 27:24. И. Клименкэр ыпэкIэ илъи, хъагъэм Iэгуаор ридзагъ – 27:25. Типшъашъэхэм текIоныгъэр къыдахыным фэшI гугъэ яI, ау Л. Чужановамрэ А. Ивановамрэ «Адыифым» икъэлапчъэ Iэгуаор къыдадзэ – 29:25. Я 59-рэ такъикъым тиешIэкIо ныбжьыкIэу Д. Никулинам пчъагъэр зэрехъокIы – 29:26. «Адыифыр» мэгуIэ шъхьае, текIоныгъэм кIэ­рычыгъэ зэрэхъугъэр ешIакIохэм зыдашIэжьы…

Суперлигэм хэт гандбол командэхэу купэу «Б»-м щызэнэкъо­къухэрэр пэшIорыгъэшъ ешIэгъу­хэм ахэлажьэх. «Адыифыр» щылэ мазэм и 23-м къалэу Уфа щы­IукIагъ «Уфа – Алисэм». Пчъа­гъэр 26:24-у Уфа икомандэ текIоны­гъэр къыдихыгъ.