«АГУ-Адыиф» Мыекъуапэ — «Луч» Москва — 26:29 (15:17). Щылэ мазэм и 15-м республикэ спорт Унэ­шхоу Кобл Якъубэ ыцIэ зыхьырэм щешIагъэх.

«АГУ-Адыиф»: къэлэпчъэIутхэр: Ламзина, Баскакова; ешIакIохэр: Клименко — 3, Краснокутская, Никулина — 5, Кириллова, Колодяжная, Морозова — 1, Куцевалова — 10, Казиханова — 2, Дмитриева, Поршина, Краснова — 1, Кобл — 4.

«Луч»: Баева — 12, Федорова — 5, Черняева — 4, Крупенникова — 3, Шанова — 3, Захарова — 1, Юрченкова — 1; къэлэпчъэIутхэр: Качаева, Ер­макова.

Пчъагъэр зэрэлъыкIотэрэ шIыкIэм тигъэгумэкIыщтыгъ: 2:4, 3:7, 4:9, 5:10, 6:12. Я 20-рэ такъи­къым Ангелина Куцеваловам къэлап­чъэм Iэгуаор пенальтикIэ дедзэ — 9:12. ХьакIэхэм пчъагъэм хагъахъо, тагъэгумэкIы. Ангелина Куцеваловам зэкIэлъыкIоу пенальтикIэ хъагъэм Iэгуаор гъогогъуи 2 редзэ — 11:14.

«Адыифым» текIоныгъэр къыдихыщтэу тегъэгугъэ. А. Морозовам хъагъэм Iэгуаор редзэ — 16:17, ау гугъэр зыIэкIегъэкIы. М. Черняевар, Ю. Баевар, нэ­мыкI­хэри апэкIэ къилъыхэзэ, «Адыифым» икъэлапчъэ Iэгуаор къыдадзэ: 17:21, 18:25, 20:26. Кобл Зурет ухъумакIохэм апхырыкIызэ, тIогъогогъо хъагъэм Iэгуаор ридзагъ. З. Коблым Iэ­гуаор аритызэ И. Клименкэмрэ А. Красновамрэ зырызэ къэлап­чъэм Iэгуаор дадзагъ. Д. Никулинар иIэпэIэсэныгъэ хэзыгъэ­хъорэ тиешIакIохэм ащыщ.

«Адыифыр» текIоныгъэм фэбэ­нэнэу уахътэ иIагъ, ау Москва иешIакIохэр нахьыбэрэ апэкIэ къилъыхэу аублагъ, зэIукIэгъур ахьыным нахь фэхьазырыгъэх.

ЕплъыкIэхэр

— Къинышхо хамылъагъоу текIоныгъэр къыдахыщтэу ти­пшъашъэхэр гугъэщтыгъэх. Моск­ва икомандэ анахь лъэшхэм ащы­мыщми, текIоныгъэр зэрэтшIуихьыгъэр гухэкI, — къыти­Iуагъ «АГУ-Адыифым» итренер шъхьаIэу Александр Реввэ. — Суперлигэм зэнэкъокъур щы­лъэкIуатэ, нахьышIоу тызэрешIэщтым тыпылъыщт.

Юлия Баевар «Адыифым» нахьыпэкIэ щешIэщтыгъ. Джырэ уахътэ ЦСКА-м епхыгъэу «Лучым» щешIэ. Мыекъуапэ щыкIогъэ зэIукIэгъум Ю. Баевар ешIэкIо анахь дэгъоу «Лучым» къыхахыгъ. А. Куцеваловар «Адыифым» щешIагъэхэм къахагъэщыгъ. Ю. Баевамрэ А. Куцеваловамрэ нэпэеплъ шIухьафтынхэр аратыжьыгъэх.

КIэуххэр

Суперлигэм хэт гандбол коман­дэхэм язичэзыу зэIукIэгъухэр. Купэу «А-р» ЦСКА — «Астраханочка» — 31:21, «Звезда» — «Лада» — 32:30, «Кубань» — «Ростов-Дон» — 26:45, «Ростов-Дон» — «Звезда» — 32:26, «Астраханочка» — «Кубань» — 31:29. Купэу «Б-р» «Уфа» — «Университет» — 21:33, «Университет» — «Ставрополье» — 26:22, «Луч» — «Динамо» — 25:36, «Уфа» — «Ставрополье» — 28:33.

ЧIыпIэхэр

1. «Ростов-Дон» — 22 2. ЦСКА — 20 3. «Лада» — 13 4. «Астраханочка» — 8 5. «Звезда» — 6 6. «Кубань» — 3. Купэу «Б-р» 1. «Динамо» — 20 2. «Университет» — 17 3. «Ставрополье» — 12 4. «АГУ-Адыиф» — 11 5. «Луч» — 8 6. «Уфа-Алиса» — 2.

«Адыифым» изичэзыу ешIэгъу­хэр Ижевскэ, Уфа ащыкIощтых.