Зэнэкъокъум зыфагъэхьазыры
Урысые Федерацием кушъхьэфэчъэ спортымкIэ изэнэкъокъу 2022-рэ илъэсым, щылэ мазэм Тыркуем щыкIощт.
— Хэгъэгум ихэшыпыкIыгъэ командэ хэтхэу Александр Евтушенкэм, СтIашъу Мамыр зэIукIэгъухэм зафагъэхьазыры, — къытиIуагъ Адыгэ Республикэм кушъхьэфэчъэ спортымкIэ иеджапIэ икъулыкъушIэу Наталья Ширяевам. — Бзылъфыгъэхэри зэнэкъокъум хэлэжьэщтых. Адыгеим щыщхэу Елизавета Арчибасовам, Алена Рыцевам, Гюнель Мехтиевам Урысыем изэIукIэгъухэм медальхэр пчъагъэрэ къащахьыгъэх. Ахэри Тыркуем щыIэх.
Трекым щызэхащэщт хэгъэгу зэнэкъокъум Адыгеим испортсменхэм ухьазырыныгъэ дэгъу къыщагъэлъэгъощтэу тэгугъэ. Тренер цIэрыIохэу Анатолий Лелюк, Александр Войновыр япащэхэу кIуачIэр апсыхьэ, яIэпэIэсэныгъэ хагъахъо.