Мыекъопэ волейбол командэу «Динамо-МГТУ-р» Урысыем иапшъэрэ лигэ икупэу «Б-м» щешIэ.

2021 — 2022-рэ илъэс зэнэкъокъум ия 5-рэ къекIокIыгъо хэхьэрэ зэIукIэгъухэр щылэ мазэм и 13 — 16-м Адыгэ Республикэм испорт Унэшхоу «Ошъутенэм» щыкIощых.

«Динамо» Ижевск, «Тюмень» Тюмень, ЦОП Краснодар край, «Динамо-МГТУ» Мые­къуапэ тикъалэ щызэIукIэщтых.

ЕшIэгъухэр

13.01 ЦОП — «Динамо» Иж «Динамо-МГТУ» — «Тюмень» 14.01 ЦОП — «Тюмень» «Динамо-МГТУ» — «Динамо» Иж

Щылэ мазэм и 15 — 16-м командэхэр ятIонэрэу зэдешIэщтых

«Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Павел Зборовскэм къытиIуагъэм къыхэтэгъэщы Мыекъуапэ, Ижевскэ якомандэхэр финалым хэфэнхэм зэрэфэбанэхэрэр. Мые­къуапэ щыкIощт ешIэгъухэр уяплъынкIэ гъэ­шIэгъон хъущтых.

ЗэIукIэгъухэр апэрэ мафэхэм сыхьатыр 4-м ыкIи 6-м рагъэжьэщтых.

ЧIыпIэхэр

1. «Обнинск» — 38 2. «Кристалл» — 34 3. «Дагъыстан» — 30 4. «Динамо» Иж – 22 5. «Ставрополь» — 21 6. «Ростов-Волей» — 20 7. «Динамо-МГТУ» — 19 8. «Грозный-2» — 3 9. ЦОП — 3 10. «Тюмень» — 2.