КIэлэцIыкIухэм ягъэхъагъэхэр
Хэгъэгум икупэу «Локо-дзюдом» икIэлэцIыкIу командэхэм язэнэкъокъу Налщык щыкIуагъ.
Спортым щыцIэрыIо тренерэу Нырэ Сеф фэгъэхьыгъэ шIэжь зэнэкъокъум 2008 — 2009-рэ илъэсхэм къэхъугъэ кIалэхэр хэлэжьагъэх. ТекIоныгъэм икъыдэхын командэ 17 фэбэнагъ.
Адыгэ Республикэм дзюдомкIэ испорт еджапIэу Кобл Якъубэ ыцIэ зыхьырэм зыщызыгъэсэрэ кIэлэцIыкIухэм якомандэ ящэнэрэ чIыпIэр къыфагъэшъошагъ.
Пэрэныкъо Алый, кг 34-рэ, Хьакурынэ Джамбулат, кг 38-рэ, Касумян Тигран, кг 42-рэ, Агъыржьэнэкъо Бислъан, кг 46-рэ, Арутюн Авадян, г 50, ЛIыбзыу Заур, кг 55-рэ, Артем Каприеловым, кг 55-м къехъу, командэм хэтхэу ящэнэрэ чIыпIэр къахьыгъ. Адыгэ Республикэм изаслуженнэ тренерэу Хьакурынэ Дамир тибэнакIохэм пэщэныгъэ адызэрихьагъ. Урысыем дзюдомкIэ исудьяу, республикэм испорт еджапIэ итренерэу Роман Оробцовыр зэнэкъокъум хэлэжьагъ, бэнакIохэм яIэпэIэсэныгъэ уасэ фэзышIыгъэмэ ащыщ.
Тренерхэу Мерэм Саидэ, Хьакурынэ Дамир, Бастэ Сэлым, Роман Оробцовым кIэлэцIыкIухэр агъасэх. ИлъэсыкIэу къихьэрэм тибэнакIохэм, тренерхэм бэрэ тагъэгушIонэу афэтэIо.
Сурэтым итхэр: зэнэкъокъум хэлэжьагъэхэр.