Венгрием ифутбол командэ анахь лъэшхэм ащыщэу «Ференцварош» Будапешт итренер шъхьаIэу Станислав Черчесовыр агъэнэфагъ.

Урысыем футболымкIэ ихэшыпыкIыгъэ командэ итренер шъхьаIэу щытыгъэ С. Черчесовыр спортышхом щызэлъашIэ. «Спартак» Владикавказ, «Спартак» Москва IэкIыб хэ­гъэгухэм къэлэпчъэIутэу аще­шIагъ, тренер шъхьаIэу Уры­сыем икомандэ зэфэшъхьафхэм яIагъ.

«Ференцварош» Венгрием изэнэкъокъу апэрэ чIыпIэр щи­Iыгъ, командэ цIэрыIоу щыт. Гъогогъу 32-рэ Венгреим изэ­нэкъокъу текIоныгъэр къыщыдихыгъ, кубокыр гъогогъу 20-рэ къыхьыгъ.

С. Черчесовым «Ференцварош» командэ лъэшэу елъытэ, Урысыем щыщ ешIакIохэр коман­дэм ригъэблагъэхэ шIоигъу.