Урысые Федерацием щынэгъончъэнымкIэ икъулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIым — Урысые Федерацием щынэгъончъэнымкIэ икъулыкъу­хэм яIофышIэ и Мафэ фэшI ты­шъуфэгушIо!

Урысые къэралыгъом ылъап­сэхэр къэзыухъумэрэ, конституционнэ гъэпсыкIэр мыукъогъэ­ным ренэу зынаIэ тезыгъэтырэ, теубытагъэ ахэлъэу терроризмэмрэ экстремизмэмрэ апэуцужьхэрэм тарэгушхо.

БзэджэшIагъэм пэуцужьыгъэ­нымкIэ апэрэ сатырхэм ахэтхэу, экономикэ щынэгъончъэным тегъэпсыхьэгъэ ыкIи къолъхьэ тын-Iыхыным пэшIуекIорэ бэнэныгъэм ылъэныкъокIэ зипшъэ­рылъ дэгъоу зыгъэцакIэхэрэм ащыщых ФСБ-м Адыгэ Респуб­ликэмкIэ и ГъэIорышIапIэ иIофышIэхэр. Обществэм зыпкъитыныгъэ хэ­лъынымкIэ, респуб­ликэм ыкIи хэгъэгум зэрэпсаоу ясоциальнэ- экономикэ хэхъоныгъэ джыри нахь зегъэушъомбгъугъэнымкIэ Iофыгъуабэ ахэм зэшIуахы.

Щынэгъончъэным икъулыкъу­хэм яIофышIэхэм ыкIи яветеранхэм тафэлъаIо ягуетыныгъэ къыкIырамыгъэчынэу, яIэпэIэсэныгъэ хагъэхъо зэпытынэу ыкIи япшъэрылъ зэрифэшъуашэу ренэу агъэцэкIэнэу!

Ныбджэгъу лъапIэхэр, зэкIэми тышъуфэлъаIо псауныгъэ пытэ, щыIэкIэшIу шъуиIэнэу, мамыр ошъогур шъуашъхьагъ итынэу, Адыгэ Республикэмрэ Урысые Федерациемрэ яфедэ зыхэлъ Iоф пстэуми гъэхъагъэ­хэр ащышъушIынхэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет – Хасэм и Тхьаматэу Владимир Нарожный