Илъэс 30 хъугъэ
Мыекъуапэ футболымкIэ икIэлэцIыкIу-ныбжьыкIэ командэ 1991-рэ илъэсым Урысыем изэнэкъокъу апэрэ чIыпIэр къыщыдихыгъ.
Адыгэ Республикэм изаслуженнэ тренерэу Тэтэр Нурбый а лъэхъаным ныбжьыкIэхэм ятренер шъхьаIэу щытыгъ. Илъэс 30-кIэ узэкIэIэбэжьмэ, Адыгеим щыщ кIалэхэм хэгъэгушхом апэрэ чIыпIэр къыщыдахыгъагъ. Командэм хэтыгъэхэм ащыщхэр футболышхом шIукIэ щашIагъэх. Пэунэжь Азэмат «Спартак» Москва рагъэблагъи, зэIукIэгъухэм ахэлэжьэгъагъ.
КIэлэеджэкIо ныбжьыкIэ командэм хэтыгъэхэм, шэнышIу зэрафэхъугъэу, илъэси 5 къэс ныбджэгъу зэIукIэгъухэр зэха— щэх.
Пэунэжь Азэмат, УдыкIэко Аскэр, МэщфэшIу Руслъан, Максим Тупиковыр, Дмитрий Крапивнэр, Нэхэе Даут, Михаил Воронковыр, фэшъхьафхэри мы мафэхэм зэIукIагъэх, ягукъэкIыжьхэмкIэ зэдэгощагъэх, ныбджэгъу ешIэгъу зэдыряIагъ.
Тренерэу Тэтэр Нурбый «тхьауегъэпсэу» раIожьыгъ. Футбол клубэу «Зэкъошныгъэм» ипащэу ХъуакIо Къэплъан къытиIуагъ шэн-хабзэу яIэхэр тапэкIи зэрэлъагъэкIотэщтхэр.