Урыс театрэм икъэгъэлъэгъон Адыгэ Республикэм и Урыс драматическэ театрэу А. С. Пушкиным ыцIэ зыхьырэр Йошкар-Ола щыI. Я ХVIII-рэ Дунэе фестивалэу «Зэкъошныгъэм илъэмыдж» зыфиIорэм ар хэлажьэ. Театрэм ирежиссер шъхьаIэу Татьяна Дрожжинам ыгъэуцугъэ спектак­лэр фестивалым къыщигъэлъэгъонэу щыт. Республикэу Марий Эл ыкIи Адыгэ Республикэм ятеатрэхэм илъэсыбэ хъугъэу ныбджэгъуныгъэ зэдыряI, зэгъусэ- хэу фестивальхэм ахэлажьэх.