Къыблэ шъолъырым самбэмкIэ изэнэкъокъу Ермэлхьаблэ шэкIо­гъум и 24-м щызэха­щагъ.

Илъэс 21-м нэс зыныбжьхэр хагъэунэфыкIырэ чIыпIэхэм афэ­бэнагъэх. Адыгэ Рес­публикэм ихэшыпыкIыгъэ командэ медали 8 зэIукIэгъухэм къащыдихыгъ.

Гъомлэшк Анзор, кг 58-рэ, Хьакъуй Амир, кг 71-рэ, апэрэ чIыпIэхэр къыдахыгъэх, дышъэ медальхэр къафагъэшъо­шагъэх. Тренерхэу Делэкъо Адамрэ Гъом­лэшк Алыйрэ нарт шъаохэр агъасэх.

Мэлгощ Адам, кг 53-рэ, Къэлэкъутэкъо Азэмат, кг 98-рэ, ятIонэрэ чIыпIэхэр къахьыгъэх. Тренерхэу А. Делэкъор, А. Гъомлэшкыр бэнакIоу А. Мэлгощым ипащэх. И. Нэгъоимрэ Р. Джарымэкъомрэ агъасэ А. Къэлэ­къутэкъор.

Кобл Рэмэзан, кг 53-рэ, Хьа­къуй Анзор, кг 64-рэ, Нащ Расул, кг 71-рэ, Самир Архиповым, кг 98-м къехъу, ящэнэрэ чIыпIэхэр къыдахыгъэх. Тренерхэу Р. Джарымэкъом, А. Джарымэкъом, А. Делэкъом, А. Гъом­лэшкым, И. Нэгъоим бэнэкIо ныбжьыкIэхэр агъасэх.

— 2022-рэ илъэсым, мэзаем и 17 — 21-м Урысыем иныбжьыкIэхэм самбэмкIэ якIэух зэнэ­къокъу Казань щыкIощт. Хагъэу­нэфыкIырэ чIыпIэхэр къыдэзы­хыгъэхэ тибэнэкIуи 8 зэIукIэ­гъухэм ахэлэжьэщтых, — къытиIуагъ Адыгэ Республикэм сам­­бэмкIэ испорт еджапIэ ипащэу, спортымкIэ дунэе класс зиIэ мастерэу Делэкъо Адам. — Ермэлхьаблэ тикIалэхэр дэгъоу щы­бэнагъэх, щысэшIу къагъэлъэ­гъуагъэу сэлъытэ.