«Зэкъошныгъ» Мыекъуапэ — «ТIуапсэ» ТIуапсэ — 1:0 (1:0). ШэкIогъум и 19-м Адыгэ республикэ стадио­ным щызэдешIагъэх.

Зезыщагъэр — Владимир Шамара, Ростов-на-Дону. «Зэкъошныгъ»: Хьачыр, Кириленко, КIышъэ, Седов, Гаракоев (Антоненко, 85), Датхъужъ, Крылов, Оразаев, Пекъо, А. Де­лэкъу (ХъуакIо, 81), Iащэ (Хьасанэкъо Арсен, 88).

Къэлапчъэм Iэгуаор дэзыдза­гъэр: Гаракоев, 42.

ЗэIукIэгъур зыхьыщтыр язэрэмыгъашIэу командэхэр зэнэкъо­къугъэх. Я 5-рэ такъикъым Датхъужъ Адам угловоир къызетым, метри 6 — 7-кIэ къэлапчъэу зыпэчыжьэм Илья Кириленкэр шъхьэкIэ дэуагъ. «ТIуапсэ» икъэ­лэпчъэIутэу Андрей Тимофеевым къэлапчъэм илиние Iэгуаор шъхьа­рыкIыгъэу къыубытыгъ. Судьям ар ылъэгъугъэп, къэлапчъэм Iэгуаор зэрэдэхьагъэр ыгъэунэфыгъэп. Пчъагъэр 0:0-у къэнэжьыгъ.

Iащэ Анзор сэмэгубгъум щыIэу Iэгуаор ыпэкIэ ыти, метри 7 фэдизкIэ къэлапчъэм С. Гаракоевыр пэчыжьэу дауи, хъагъэм Iэгуаор дидзагъ.

Я 47-рэ такъикъым И. Пекъор, я 86-рэ такъикъым И. Оразаевыр судьям ешIапIэм ригъэкIыгъэх — ятIонэрэу афигъэпыти. Арэу щытми, «Зэкъошныгъэм» гуетыныгъэ ин къызхигъэфагъ, текIоныгъэр къыдихыгъ.

КъэлэпчъэIутэу Хьачыр Тамерлан цыхьэшIэгъоу ешIагъ, пчъагъэрэ Iэгуаор къызэкIидзэжьыгъ. ЕшIэгъу уахътэр заухым, судьям такъикъи 10 фэдиз къафыхигъэ­хъуагъ. КIэухыр гузэжъогъоу кIуа­гъэ. Судьям тамыгъэ плъы­жьыр «Зэкъошныгъэм» итренер­хэм яштаб ипащэу Б. КIэгъэдыум ригъэлъэгъугъ. А. Датхъужъыр метри 6-кIэ зыпэчыжьэ къэлап­чъэм блэугъ. Пчъагъэр зэблахъу ашIоигъоу хьакIэхэр бэрэ апэкIэ къилъыгъэх.

Я 19-рэ зэIукIэгъухэр

«Спартак» — «Черноморец» — 1:0, «Анжи» — СКА — 0:0, «Мэщыкъу» — «Ессентуки» — 7:0, «Легион» — «Биолог» — 1:0, «Кубань-Холдинг» — «Динамо» Мх — 1:0, «Чайка» — «Динамо» Ст — 7:0, «Алания-2» — «Ротор-2» — 2:2.

Хэт тыдэ щыIа?

1. СКА — 44 2. «Чайка» — 42 3. «Динамо» Мх — 40 4. «Форте» — 36 5. «Анжи» — 30 6. «Кубань-Х.» — 29 7. «Черноморец» — 28 8. «Спартак» — 26 9. «Легион» — 24 10. «ТIуапсэ» — 21 11. «Динамо» Ст – 20 12. «Мэщыкъу» — 19 13. «Биолог» — 19 14. «Ротор-2» — 16 15. «Зэкъошныгъ» — 15 16. «Алания-2» — 7 17. «Ессентуки» — 4. Я 20-рэ ешIэгъухэр 2022-рэ илъэсым гъэтхапэм я 20-рэ ешIэгъухэр яIэщтых, ятIонэ­рэ купым зэнэкъокъум щыпаублэ­жьыщт. 6.03 СКА — «Зэкъошныгъ» «Алания-2» — «ТIуапсэ» «Биолог» — «Мэщыкъу» «Динамо» Мх — «Форте» «Динамо» Ст — «Анжи» «Черноморец» — «Чайка» 7.03 «Ессентуки» — «Спартак» 8.03 «Ротор-2» — «Кубань-Х.»