«Ротор-2» Волгоград — «Зэкъошныгъ» Мыекъуапэ — 0:0.

ШэкIогъум и 13-м Волгоград щызэдешIагъэх.

«Зэкъошныгъ»: Хьачыр, Кириленко, КIышъэ, ХъуакIо (Гъыщ, 74), Гаракоев, Датхъужъ, Макоев (Iащэ, 51), Оразаев, Пекъо, Къонэ (Крылов, 75), А. Делэкъу (Курманов, 84).

«Ротор-2-м» иешIакIоу Кузнецовыр метрэ заулэкIэ «Зэкъошныгъэм» икъэлапчъэ пэчыжьэу Iэгуаор къызыратым хъагъэм ри­дзэн ылъэкIыгъэп — къэлап­чъэм блэугъ.

«Зэкъошныгъэм» иешIакIоу Оразаевыр джащ фэдэу къэлап­чъэм пэмычыжьэу шъхьэкIэ зэогъэ Iэгуаор къэлэпчъэпкъым пэблагъэу быбыгъэ.

Я 86-рэ такъикъым Датхъужъ Адам тазырыр ыгъэцакIи, Iэгуаор чыжьэу ыпэкIэ ытыгъ. Илья Кириленкэр метри 6 фэдизкIэ зыпэчыжьэ къэлапчъэм шъхьэкIэ зыдэом, къэлапчъэм Iэгуаор зыщыдэхьащтым ухъумакIомэ ащыщ къызэкIидзэжьынэу игъо ифагъ. Пчъагъэр 0:0-у ешIэгъур аухыгъ. ЗэIукIэгъум кIуа­чIэхэр щызэфэдагъэхэу плъытэ хъущт.

Я 18-рэ зэIукIэ­гъухэр

ЯтIонэрэ купым хэт футбол командэхэм яешIэгъухэм якIэ­уххэр. «Ессентуки» — «Легион» — 0:6, «ТIуапсэ» — «Анжи» — 1:1, «Динамо» Ст — «Спартак» — 0:0, «Динамо» Мх — «Алания-2» — 3:0, «Черноморец» — «Мэщыкъу» — 3:2, «Форте» — «Кубань-Холдинг» — 1:1, СКА — «Чайка» — 0:2. «Зэкъошныгъэм» мы илъэс ешIэгъум текIоныгъэр гъогогъуи 2 къыдихыгъ, ешIэгъуи 6-р зэфэдэу ыухыгъ, 9-р шIуахьыгъ.

ЧIыпIэу зыдэщытхэр

1. СКА — 43 2. «Динамо» Мх — 40 3. «Чайка» — 39 4. «Форте» — 36 5. «Анжи» — 29 6. «Черноморец» — 28 7. «Кубань-Х.» — 26 8. «Спартак» — 23 9. «ТIуапсэ» — 21 10. «Легион» — 21 11. «Динамо» Ст — 20 12. «Мэщыкъу» — 19 13. «Биолог» — 19 14. «Ротор-2» — 15 15. «Зэкъошныгъ» — 12 16. «Алания-2» — 6 17. «Ессентуки» — 4

Я 19-рэ ешIэгъухэр 19.11

«Анжи» — СКА «Зэкъошныгъ» — «ТIуапсэ» «Спартак» — «Черноморец» 20.11 «Легион» — «Биолог» «Кубань-Х.» — «Динамо» Мх «Чайка» — «Динамо» Ст «Алания-2» — «Ротор-2».

2021-рэ илъэсым ешIэгъоу ­яIэщтхэр шэкIогъум и 19 — 20-м аухыщтых. 2022-рэ илъэсым, гъэт­хапэм и 3-м зэнэкъокъум паублэжьыщт.