Диплом къыфагъэшъошагъ
Лъэпкъ зыкIыныгъэм фэгъэхьыгъэ а 1-рэ Дунэе кинофестивалэу «Свидание с Россией» зыфиIорэр Архангельскэ щыкIуагъ.
Урысые Федерацием икинематографистхэм я Союз икъутамэу Адыгэ Республикэм щыIэм ипащэу, Урысыем икинематографистхэм я Союз хэтэу, режиссерэу, продюсерэу, сценаристэу, Къэбэртэе-Бэлъкъарым, Адыгэ Республикэм искусствэхэмкIэ язаслуженнэ IофышIэ-шхоу Нэгъаплъэ Аскэрбый ифильмэу «Подвиг милосердия» зыфиIорэр зэнэкъокъум къыщагъэлъэгъуагъэхэм ащыщ.
Хэгъэгу зэошхом илъэхъан советскэ цIыфхэмрэ ащ и УIэшыгъэ КIуачIэхэмрэ лIыхъужъныгъэу зэрахьагъэр тарихъым инэкIубгъохэм ахэкIуакIэрэп. Тарихъыр мыукъуагъэу, хъугъэ-шIагъэхэр зытетым тетэу фильмэм къеIуатэх.
Тарихъым ишъыпкъапIэ зэкIэми анахь дэгъоу фильмэм къызэригъэлъагъорэр осэшI купым хэтхэм къыхагъэщыгъ, Дунэе фестивалым и Диплом къыфагъэшъошагъ.
Нэгъаплъэ Аскэрбый дунэе искусствэм гъэхъагъэ зэрэщишIырэм, Адыгэ Республикэм щытхъу къызэрэфихьырэм афэшI тигъэзетеджэхэм ацIэкIэ тыфэгушIо, иIофшIагъэ лъигъэкIотэнэу фэтэIо. ЕмтIылъ Нурбый.