«Ставрополье» Ставрополь – «АГУ-Адыиф» Мыекъуапэ – 28:27 (13:11). Чъэпыогъум и 29-м Ставрополь щызэIукIагъэх.

«Адыиф»: къэлэпчъэIутхэр: Баскакова, Ламзина; ешIакIохэр: Клименко – 2, Никулина – 2, Кириллова, Колодяжная – 1, Мещерякова, Морозова, Богданова – 4, Куцевалова – 3, Казиханова – 1, Казанджян – 5, Дмитриева, Краснова – 5, Кобл – 4.

Суперлигэм икупэу «Б-м» хэт гандбол командэхэм язичэзыу ешIэгъу гумэкIыгъохэр къызыдихьыгъэх. «Адыифыр» зэнэкъо- къум щылъыкIотагъэп.

Я 34-рэ такъикъым пчъагъэр 16:13-у щытыгъ. ЗэIукIэгъур зыхьыщтыр язэрэмыгъашIэу ешIакIохэм хъагъэм Iэгуаор ра- дзэщтыгъ: 22:20, 23:21-рэ, 23:22-рэ, 24:22-рэ. Я 50-рэ такъикъым пчъагъэр 24:23-рэ хъугъэ.

Я 51-рэ такъикъым Анна Красновам хъагъэм Iэгуаор дахэу редзэ – 25:24-рэ. Алина Казанджян ухъумакIохэм ябэнызэ къэ- лапчъэм Iэгуаор дидзагъ – 25:25-рэ. Дарина Никулинам я 54-рэ такъикъым пчъагъэм хегъахъо – 25:26-рэ.

«Ставропольер» ыпэкIэ къи- лъызэ тиухъумакIохэр егъэгумэкIых. А. Болобам «Адыифым» икъэлапчъэ Iэгуаор къыдедзэ – 26:26-рэ. «Адыифым» икапитанэу Ирина Клименкэм я 57-рэ та- къикъым «Ставропольем» ие-шIакIохэм ябэнызэ хэкIыпIэр псынкIэу къыгъотыгъ, къэлапчъэм Iэгуаор дидзагъ – 26:27-рэ.

Бэ тыримыгъашIэу Ангелина Болобам икIэрыкIэу гумэкIыгъо къытфихьыгъ. Хъагъэм Iэгуаор ридзагъ – 27:27-рэ. Кобл Зурет къэлапчъэм зыдэом, къэлэпчъэIутым ылъакъо Iэгуаор тыригъэфагъ. А. Красновар изакъоу къэлэпчъэIутым екIугъ, ау хъа- гъэм Iэгуаор ридзэн ылъэкIыгъэп. ЗэIукIэгъур аухынымкIэ зы нэгъэупIэпIэгъу къэнагъэу В. Томилинам «Адыифым» икъэлапчъэ Iэгуаор къыдидзагъ, 28:27-у «Ставропольем» текIоныгъэр къыдихыгъ.

Зэфэхьысыжьыр

— ЗэIукIэгъум иегъэжьэгъу хэукъоныгъэ бащэ тиешIакIохэм ашIыгъ, Iэгоуи 6-кIэ «Ставропольер» тапэ итэу уахътэ къыхэкIыгъ. Зэнэкъокъум икIэух ты- фэкIуагъэу текIоныгъэр зыIэкIэдгъэкIыгъ. Хэукъоныгъэу тшIыгъэхэм ядэгъэзыжьын Iоф дэтшIэщт, — къытиIуагъ «Адыифым» итренер шъхьаIэу, Урысыем изаслуженнэ тренерэу Александр Реввэ.

Я 57-рэ такъикъым къыщегъэ- жьагъэу «Адыифым» къэлапчъэм Iэгуаор зыкIи дидзагъэп. Гандболыр футболым фэдэп. Такъикъищыр макIэп. ЕшIэгъум икIэух «Адыифым» ухъумэн Iофыгъохэр зэригъэцакIэхэрэм гумэкIыгъуабэ къыпкъырэкIы, тикомандэ ошIэ-дэмышIэу бэрэ ыпэкIэ илъырэп.

Москва щешIагъэх

«Луч» Москва – «Университет» Екатеринбург – 25:26-рэ (14:14).

ЧIыпIэхэр

Купэу «Б-р» 1. «Динамо» - 12 2. «Университет» - 9 3. «АГУ-Адыиф» - 7 4. «Ставрополье» - 6 5. «Луч» - 4 6. «Уфа-Алиса» - 2.

Зичэзыу зэIукIэгъухэр

4.11 «Динамо» - «Ставрополье» 5.11 «Университет» - «Луч» 7.11 «Уфа» - «Луч» 10.11 «Адыиф» - «Динамо» 12.11 «Ставрополье» - «Университет» 14.11 «Адыиф» - «Университет» 20.11 «Университет» - «Алиса» «Динамо» - «Адыиф» «Луч» - «Ставрополье» 30.11 «Адыиф» - «Ставрополье».