«Динамо-МГТУ» Мыекъуапэ – «ЧелБаскет» Челябинск – 67:64 (14:22, 26:11, 10:10, 17:21). Чъэпыогъум и 28-м республикэ спорт Унэшхоу «Ошъутенэм» щызэIукIагъэх.

«Динамо-МГТУ»: Чичайкин – 2, Суслов, Рябов – 14, Александров – 9, Гапошин – 20, Чаленко, Милютин – 10, Еремин, Сизов – 6, Кочнев – 6, Горохов.

ЯтIонэрэ ешIэгъоу командэхэм зэдыряIагъэм икIэух гъэшIэгъоныгъ. Такъикъи 3 къэнагъэу пчъа­гъэр 62:53-рэ хъугъэ. Я 39-рэ такъикъым — 62:60. А. Гапошиным очкоуи 3 дзыгъор егъэцакIэ — 65:60. Зы такъикъым нахь макIэ къэнагъэу Ю. Качковым хъагъэм Iэгуаор редзэ — 65:62-рэ. А. Гапошиным ухъумакIор къы­зэринэкIи, хъагъэм Iэгуаор ридзагъ — 67:62-рэ, къэнагъэр нэгъэупIэпIэгъу 17. ХьакIэхэм яешIакIоу А. Малышевым пчъагъэр зэрехъокIы — 67:64-рэ. ЕшIэгъур зыщаухыщтым В. Чичайкиным Iэгуаор «ЧелБаскетым» иешIакIохэм къаIэкIихыгъ…

ЧIыпIэхэр

1. «Тамбов» – 11 2. «Динамо-МГТУ» – 10 3. «Русичи» – 10 4. «Металлург» – 10 5. «ЧелБаскет» – 9 6. «НовоМосковск» – 8 7. «Чебоксарские Я.» – 7 8. «Динамо» Ст – 7 9. «МицуБаскет» – 7 10. «Барс-РГЭУ» – 6 11. «Нефтехимик» – 5.

ШэкIогъум и 6 – 7-м «Динамо-МГТУ-р» «Тамбовым» Тамбов щыIукIэщт.