Дунэе, хэгъэгу, шъолъыр фестиваль-зэнэкъокъухэм, олимпиадэхэм ащыте­кIогъэ тикIэлэеджакIохэр Санкт-Петербург экскурсие агъэкIуагъэх.

Урысыем культурэмкIэ и Министерствэ и Лъэпкъ проектэу «Культурэм» хэ­хьэрэ Iофыгъор кIэлэеджа­кIохэр тарихъым, культу­рэм нахьышIоу ащыгъэ­гъозэгъэнхэм, яшIэныгъэ хагъэхъоным афэгъэхьыгъ.

— Адыгэ Республикэм искусствэхэмкIэ икIэлэцIыкIу еджапIэу N 1-м, художественнэ кIэлэцIыкIу еджапIэм, Афыпсыпэ искусствэхэмкIэ икIэлэцIыкIу еджапIэ защызыгъэсэрэ еджэкIо 18 купым хэт, — къыIуагъ республикэм культурэмкIэ иминистрэу Аулъэ Юрэ.

Санкт-Петербург ичIыпIэ дахэхэр, пачъыхьэу Александр Невскэм итхьэлъэ­IупIэ, Петр Великэм ыцIэ зыхьырэ дзэ-хы Гупчэ музеир, тарихъым ипарк зэхэтэу «Урысыер — сэ ситарихъ» зыфиIорэр, нэмыкIхэри зэрагъэлъэгъущтых, зэIукIэгъухэм ахэлэжьэщтых. Чъэпыогъум и 28-м щегъэжьагъэу шэкIогъум и 1-м нэс кIэлэ­еджакIохэр къэлэ цIэрыIом щыIэщтых.