Урысые зэнэкъокъоу «Мастер гостеприимства. Студенты» зыфиIорэм иящэнэрэ финалныкъо зэфэхьысыжьэу фэхъугъэхэр мы мафэхэм къэнэфагъэх. Президентскэ платформэм ипроектэу «Россия – страна возможностей» зыфиIорэм ар къыдыхэлъытагъ.

Шъолъыр 19-мэ къарыкIыгъэ нэбгырэ 32-рэ финалым ихьагъэх, ахэм ащыщ хъугъэ Адыгэ къэралыгъо университетым щеджэрэ СтIашъу Даннэ.

Данэ тарихъ фестивалэу «Сказания предков» зыфиIорэм фэгъэхьыгъэ про­ектымкIэ финалым ихьагъ. Респуб­-ликэм щыпсэухэрэм ыкIи хьакIэу къа­кIохэрэм Адыгеим итарихъ, икульту­рэ аригъэшIэныр ары ипроект зыфэгъэ­хьыгъэр.

— Мыщ фэдэ мэхьэнэ ин зиIэ зэ­нэкъокъум апэрэу сыхэлажьэ. «Мастер гостеприимства. Студенты» зыфиIорэм шIэныгъакIэхэр хэсхыгъэх, социальнэ проектированием зыфэзгъэзагъ. Мы лъэныкъомкIэ сишIэныгъэхэм нахь зэрахэзгъэхъощтым ыуж ситыщт, — еIо Даннэ.

ДЕЛЭКЪО Анет.