Хэгъэгум волейболымкIэ иапшъэрэ купэу «Б»-м хэт командэхэм 2021 — 2022-рэ илъэс зэнэкъокъур чъэпыогъум и 14-м рагъэжьагъ.

Мыекъопэ «Динамо-МГТУ»-р Ростов-на-Дону щыIэу зэIукIэгъухэм ахэлажьэ. «Ростов-Волей» Ростов-на-Дону, «Став­рополь-СГАУ» Ставрополь, ЦОП Краснодар край, «Динамо— МГТУ» Мыекъуапэ зы купым щешIэх.

— Ростов-на-Дону, Ставрополь якомандэхэм тIорытIо тадешIэщт, — къытиIуагъ «Динамо-МГТУ»-м итренер шъхьаIэу, Адыгэ Республикэм изаслуженнэ тренерэу Павел Зборовскэм. — 2021 — 2022-рэ илъэс зэнэкъокъум дэгъоу зыфэдгъэхьазырыгъ, медальхэм тафэбэнэщт.

Апэрэ ушэтынхэр

«Ставрополь-СГАУ» Ставрополь – «Динамо-МГТУ» — 3:2 (13:25, 25:21, 23:25, 25:21, 15:11). «Ростов-Волей» — ЦОП — 3:0 (25:16), 25:23, 25:22). Зэнэкъокъур Ростов-на-Дону щылъэкIуатэ.