«Ростов-Дон-2» Ростов-на-Дону — «АГУ-Адыиф-2» Мыекъуапэ — 27:24 (11:7).

Чъэпыогъум и 7-м Ростов- на-Дону щызэдешIагъэх.

«АГУ-Адыиф-2»: къэлэпчъэIутхэр: Черницова, Пивнева; ешIа­кIохэр: Белозерова, Денисова, Никулина – 4, С. Морозова – 7, Къэбж – 3, Казиханова, Коваленко – 1, Казанджян – 4, Гильфанова – 2, Добарджич – 3.

ЯтIонэрэ ешIэгъур

«АГУ-Адыиф-2»: къэлэпчъэIутхэр: Черницова, Пивнева; ешIа­кIохэр: Белозерова, Никулина – 4, С. Морозова – 2, Къэбж – 3, Казиханова – 3, Коваленко – 3, Казанджян – 2, Гильфанова – 5, Добарджич.

ЯтIонэрэ зэIукIэгъур зыхьыщтыр язэрэмыгъашIэу пшъашъэ­хэр зэнэкъокъугъэх. Я 52-рэ такъикъым В. Чугуновам «Адыиф-2»-м икъэлапчъэ Iэгуаор къы­дидзагъ – 20:20 пчъагъэр хъугъэ. Зы такъикъ тешIагъэу Д. Гильфановар къэлапчъэм благъэу екIуи, Iэгуаор дидзагъ – 20:21-рэ.

ЗэIукIэгъур аухынкIэ такъи­къи 5 къэнагъэу В. Коваленкэм тигъэгушIуагъ, къэлапчъэм екIуи, хъагъэм Iэгуаор ридзагъ – 20:22-рэ. «Адыиф-2»-м ешIэгъур къы­хьыщтэу тыгугъэщтыгъ. ЗэгурыIоныгъэ ахэлъэу типшъашъэхэр ешIэщтыгъэх.

Такъикъи 4 къэнагъэу «Ростов-Дон-2»-м иешIакIоу Пульялевам тикъэлапчъэ Iэгуаор къыдидзагъ. Я 57-рэ такъикъым метри 7 тазыр дзыныр Решетниковам ыгъэцакIи, пчъагъэм хигъэхъуагъ – 22:22-рэ.

Зы такъикъ къэнагъэу «Ростов-Дон-2»-м иешIакIоу В. Чугуновар псынкIэу ыпэкIэ къылъыкIотагъ, тикъэлапчъэ лъэшэу къыдэуагъ. Е. Пивневам зидзи, Iэгуаом кIуа­пIэ ритыгъэп. «Адыиф-2»-р ащ лъыпытэу ыпэкIэ илъыгъ. А. Казанджян ухъумакIор къызэринэкIи, «Ростов-Дон-2»-м икъэлапчъэ дэуагъ, ау хъагъэм Iэгуаор ифагъэп. КъэлэпчъэIутэу А. Казьменкэм Iэгуаор къызэкIидзэ­жьыгъ – зэIукIэгъур аухынкIэ къэнэгъагъэр нэгъэупIэпIэгъуи 2.

– ТекIоныгъэм тыпэблэгъагъ, – къытиIуагъ «Адыиф-2»-м итренер шъхьаIэу Яна Усковам. – Типшъа­шъэхэм яIэпэIэсэныгъэ хагъахъо. ЕшIэкIэ дэгъу къэзыгъэлъэгъорэ командэхэм ащыщ тыхъуным тыпылъ.

ЧIыпIэхэр

Апшъэрэ купым хэт гандбол командэ пэпчъ мыгъэ ешIэгъуи 6 иIагъ.

1. «Астраханочка-2» – 12 2. ЦСКА-2 – 10 3. «Кубань-2» – 10 4. «Динамо-2» – 8 5. «Лада-2» – 8 6. «Ростов-Дон-2» – 8 7. «Звезда-2» – 6 8. «АГУ-Адыиф-2» – 5 9. «Университет-2» – 2 10. «Алиса-2» – 2 11. «Ставрополье-СУОР» – 1 12. «Луч-2» – 0. Чъэпыогъум и 13 – 14-м «АГУ-Адыиф-2»-р «Лада-2» Тольятти Мыекъуапэ щыIукIэщт.