Медальхэм афэбэнэщт
Мыекъопэ баскетбол командэу «Динамо-МГТУ-м» 2021 — 2022-рэ илъэс ешIэгъур непэ регъажьэ.
— Апэрэ зэIукIэгъуитIур Ставрополь щыкIощт, чIыпIэ командэу «Динамэм» тыдешIэщт, — къытиIуагъ «Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Андрей Синельниковым. – Илъэс зэнэкъокъум тызэрэфэхьазырым бэ тетымыгъашIэу тытегущыIэ сшIоигъу.
Ставрополь щыкIощт ешIэгъухэр «Динамо-МГТУ-м» апэрэ ушэтыпIэ фэхъущтых.
Суперлигэм ия 2-рэ куп щыкIорэ зэнэкъокъум «Динамо- МГТУ-р» хэлажьэ. Артем Гапошиным, Николай Ереминым, нэмыкIхэм ешIэкIэ дэгъу 2020 — 2021-рэ илъэс зэнэкъокъум къыщагъэлъэгъуагъ. Тикомандэ мыгъэ медальхэм афэбэнэщт.