Урысыем футболымкIэ иапшъэрэ куп хэт футбол командэхэм чъэпыогъум и 2 — 4-м я 10-рэ зэIукIэгъухэр яIагъэх.

ЕшIэгъухэр

«Рубин» — «Нижний Новгород» — 0:1, «Динамо» — «Крылья Советов» — 0:1, «Арсенал» — «Химки» — 0:0, «Уфа» — «Урал» — 0:1, «Зенит» — «Шъа­чэ» — 1:2, «Ахмат» — «Спартак» — 0:1, «Локомотив» — «Ростов» — 1:2.

«Рубин» Казань зэкIэлъыкIоу ешIэгъуи 3 шIуахьыгъ. «Рубин» «Н. Новгород» зыIокIэм, Х. Кварацхелие пенальтир хъагъэм ридзэн ылъэкIыгъэп, къэлэпчъэIутым Iэгуаор къызэкIидзэжьыгъ. Такъикъ заулэ тешIагъэу Н. Новгород иешIакIоу Калинскэм пенальтикIэ хъагъэм Iэгуаор ри­дзагъ. Пчъагъэр 0:1 хъугъэ.

«Локомотив» истадон щешIагъ, ау ауж къинэхэрэм ащыщэу Рос­тов-на-Дону икомандэ 2:1-у къы­текIуагъ. «Локомотив» иешIакIэ къеIыхыгъэу клубым ипащэхэм алъытагъ. Тренер шъхьаIэу М. Николич иIэнатIэ IуагъэкIыгъ.

Адыгэхэм ятарихъ къалэу Шъа­чэ икомандэ апэрэу «Зенит» текIуагъ. «Краснодар» ЦСКА-м дэгъоу дешIагъ. Аужырэ такъикъхэм ЦСКА-м иухъумакIо ыIэ Iэгуаор къытефагъ, ау судьям пенальтир ыгъэунэфыгъэп.

«Спартак» иешIакIэ хегъахъо, тренер шъхьаIэу Р. Виторие иIэнатIэ къыIунэжьынэу гугъэ иI.

Зэтэгъапшэх

Командэ пэпчъ ешIэгъуи 10 иIагъ. ЧIыпIэу зыдэщытыхэр, очко пчъагъэу яIэр зэтэгъапшэх.

1. «Зенит» — 23 2. «Динамо» — 19 3. «Шъачэ» — 18 4. «Краснодар» — 17 5. «Локомотив» — 17 6. ЦСКА – 17 7. «Спартак» — 16 8. «Н. Новгород» — 14 9. «Рубин» — 14 10.«Кр. Советов» — 13 11. «Ахмат» — 12 12. «Урал» — 9 13. «Ростов» — 9 14. «Арсенал» — 9 15. «Уфа» — 8 16. «Химки» — 8.

«Урал», «Ростов», «Арсенал» ятренер шъхьаIэхэр бэмышIэу зэблахъугъэх. ЗэхъокIыныгъэхэм яшIуагъэ къэкIощтмэ, уахътэм шIэхэу къыгъэлъэгъощт.

Я 11-рэ зэIукIэ­гъухэр

16.10 «Арсенал» — «Зенит» «Рубин» — «Локомотив» «Шъачэ» — «Ростов» «Спартак» — «Динамо» 17.10 «Урал» — ЦСКА «Химки» — «Ахмат» «Кр. Советов» — «Н. Новгород» «Краснодар» — «Уфа».