2021 – 2022-рэ илъэс зэнэкъокъум хэлэжьэрэ футбол командэхэу апшъэрэ купым хэтхэм я 9-рэ ешIэгъухэр Iоныгъом и 25 – 27-м яIагъэх.

КIэуххэр зэтэгъапшэх

«Химки» — «Локомотив» — 0:0, «Зенит» — «Крылья Советов» — 2:1, «Спартак» — «Уфа» 2:0, «Динамо» — «Рубин» — 2:0, «Ростов» — «Ахмат» — 1:2, «Краснодар» — «Шъачэ» — 3:0, «Урал» — «Арсенал» — 2:0, «Нижний Новгород» — ЦСКА — 0:2.

Мырзэ Резыуан «Спартак» хэкIыжьи, «Химки» кIожьыгъэу зэнэкъокъум хэлэжьагъ. «Химки» «Локомотив» зыдешIэм Р. Мырзэр иIэпэIэсэныгъэкIэ къахэщыгъ, къэлэпчъэбгыкъум Iэгуаор тыригъэфагъ.

«Краснодар» «Шъачэ» зыде­шIэм, Сперцян, Кабеллэ, Криховяк я 3-рэ, 21-рэ, 64-рэ такъикъхэм къэлапчъэм Iэгуаор дадзагъ. «Краснодар» жьы кIэтэу, нахь гъэшIэгъонэу ешIагъ.

ЦСКА-р «Нижний Новгородым» текIуагъ. Зайнутдиновымрэ Ах­метовымрэ хъагъэм Iэгуаор ра­дзагъ.

«Спартак» иешIакIэ хегъахъо. Понсе я 3-рэ, Промес я 29-рэ такъикъхэм къэлапчъэм Iэгуаор дадзагъ.

«Зенит» «Крылья Советов» текIуагъ. Дзюбэ я 35-рэ такъи­къым къэлапчъэм Iэгуор дидзагъ. Судьям хэукъоныгъэ ышIи, я 79-рэ такъикъым ыгъэунэфыгъэ пенальтир Суторминым къэлап­чъэм дидзагъ. ДгъэшIагъорэр Дзюбэ ухъумакIом еутэкIын иму­радэу ешIапIэм зытефэм пенальтир судьям къыугупшысынэу зэрэхъугъэр ары. «Нижний Новгородым» иешIакIоу Зиньковскэм я 14-рэ такъикъым «Зенит» икъэ­лапчъэ Iэгуаор дидзагъ.

Апшъэрэ купым хэтхэ ешIакIо­хэм яIэпэIэсэныгъэ хагъахъо, анахьэу къахэщыхэрэр Урысыем ихэшыпыкIыгъэ командэ хэтхэр арых. Дунаим ипэшIорыгъэшъ зэIукIэгъухэм Урысыем икомандэ чъэпыогъу мазэм ахэлэжьэщт.

Хэт тыдэ щыIа?

Я 9-рэ ешIэгъухэм ауж клубхэм очко пчъагъэу яIэр, чIыпIэу зыдэщытхэр зэтэгъапшэх. 1. «Зенит» — 23 2. «Динамо» — 19 3. «Локомотив» — 17 4. «Краснодар» — 16 5. ЦСКА – 16 6. «Шъачэ» 15 7. «Рубин» — 14 8. «Спартак» — 13 9 «Ахмат» — 12 10. «Н. Новгород» — 11 11. «Кр. Советов» — 10 12. «Уфа» — 8 13. «Арсенал» — 8 14. «Химки» — 7 15. «Ростов» — 6 16. «Урал» — 6. «Ростов» итренер шъхьаIэу Юрий Семиныр иIэнатIэ IукIы­жьыгъ, Заур Тедеевым тренер шъхьаIэм ипшъэрылъхэр егъэцакIэх. Ауж къинэхэрэм «Ростов» къахэкIыжьыныр лъэшэу къехьы­лъэкIыщт. «Урал», «Химки», «Арсенал», нэмыкIхэри апэкIэ лъыкIотэнхэу мурадхэр яIэх.

Я 10-рэ ешIэгъухэр

2.10, шэмбэт «Рубин» — «Н. Новгород» «Динамо» — «Кр. Советов» «Арсенал» — «Химки» ЦСКА – «Краснодар» 3.10, тхьаумаф «Уфа» — «Урал» «Зенит» — «Шъачэ» «Ахмат» — «Спартак» «Локомотив» — «Ростов». Апэ итхэри, ауж итхэри мэгугъэх, ар дэгъу. Гугъэм кIуачIэ къахелъхьэ, ешIэгъухэр нахь гъэ­шIэгъон хъущтых.