Гъэстыныпхъэ шхъуантIэр зимыIэхэм аIэкIэгъэхьэгъэным фыте­гъэпсы­хьэгъэ программэу «социальнэ догазификацием» фэгъэхьыгъэр партиеу «Единэ Россиер» кIэщакIо зыфэхъугъэхэм ащыщ. УФ-м и Президентэу Владимир Путиным ащ дыригъэштагъ.

ПшъэдэкIыжьэу ыхьырэмкIэ гъунэпкъэ гъэнэфагъэхэр зиIэ обществэу «Газпром межре­гион-
газ Майкоп» зыфиIорэм къызэритырэмкIэ, мы программэр зыщыIэм къыщегъэжьагъэу гъэстыныпхъэ шхъуантIэм ирыкIуапIэу километрэ 750-рэ фэдиз Адыгеим щагъэпсыгъ, газыр зимыIэу, ар зищагу езыщалIэ зышIоигъо унэгъо мин 14-м ехъумэ зэзэгъыныгъэхэр адашIыгъэх, унэ мини 8,1-рэ кIуапIэхэм апашIагъ.
Къэралыгъом ипащэ иунашъокIэ мы программэм чъыгхэтэлэжьыпIэхэр илъэс заулэкIэ узэ­кIэIэбэжьмэ хагъэхьагъэх. Гъэстыныпхъэ шхъуан­тIэр зыщызэбгырыщыгъэ псэупIэхэм апэбла-
гъэхэр ары ащ къыхиубытэхэрэр. Ащ фэдэу Адыгеим итыр 33-рэ мэхъу, ахэм щагу 2627-рэ ахэхьэ.
2026-рэ илъэсым ищылэ мазэ и 1-м нэс пштэмэ, ахэм ащыщэу 138-мэ программэр агъэ­федэнэу Iахьзэхэлъ обществэу «Газпром газораспределение Майкоп» зыфиIорэм лъэIу тхылъхэр ратыгъэх, 134-мэ зэзэгъыныгъэхэр ада­шIыгъэх, 107-мэ ящагухэм аращэлIагъ, унэ 39-мэ ащатIупщыгъ.
Адыгеир зэрэщытэу пштэмэ, гъэстыныпхъэ шхъуантIэр зыIэкIахьэрэр процент 92,5-м ехъу.
ХЪУТ Нэфсэт.