Ящэнэрэ чIыпIэ къыдихыгъ
Зэдегъэштэн есынымкIэ Урысыем ичемпионат Московскэ хэкум икъалэу Чехов щыкIуагъ.
Олимпийскэ резервым испорт еджапIэу В. С. Максимовым ыцIэ зыхьырэм зыщызгъэсэрэ Алеся Трофименкэм илъэс 13 — 15 зыныбжьхэм якуп зыщиушэтыгъ, ящэнэрэ чIыпIэ къыдихыгъ. Джырэ уахътэм Алесе Московскэ хэкур къегъэлъагъо.
Урысыем изаслуженнэ тренерэу Нина Говорковамрэ спортымкIэ мастерэу Иван Говорковымрэ агъэсэрэ пшъашъэхэм ухьазырыныгъэ дэгъу къагъэлъэгъуагъ. Адыгеим ыцIэкIэ зэнэкъокъум хэлэжьагъэх Диана Михайловар, Виктория Исаковар, Тыгъушъ Самирэ, Анна Додильнаяр ыкIи Марьяна Ткаченкэр.
Чемпионатым зэкIэмкIэ спортсменкэ шъитфым ехъу хэлэжьагъ. Ахэм IэпэIэсэныгъэ ин зэраIэкIэлъыр джыри зэ къагъэшъыпкъэжьыгъ, нэбгырэ пэпчъ текIоныгъэм ыкIи хагъэунэфыкIырэ чIыпIэхэм афэбэнагъ.
Адыгеим илIыкIохэм къэгъэлъэгъон дэгъухэр яIэх. Джырэ уахътэм ахэм кIэлэеджакIохэм
я Гъэмэфэ Спартакиадэ зыфагъэхьазыры.