Теннис цIыкIумкIэ Къыблэ федеральнэ шъолъырым ипервенствэ Краснодар краим икъалэу Лабинск щыкIуагъ.

Зыныбжь илъэс 16-м емыхъугъэхэм язэнэкъокъу Адыгеим испорт­сменкэхэм дэгъоу зыкъыщагъэлъэ­гъуагъ ыкIи апэрэу хагъэунэфыкIырэ чIыпIэ къыдахыгъ.
Адыгэ Республикэр нэбгырэ 13-мэ къагъэлъэгъуагъ, ахэр Мыекъуапэрэ Кощхьэблэ районымрэ ялIыкIох. Тикомандэ 3:2-у Севастополь къы­шIуихьыгъ, ау финалныкъом Ростов хэкур 3:0-у къытекIуагъ ыкIи зэфэхьысыжьхэмкIэ ящэнэрэ чIыпIэр къы­фагъэшъошагъ.
Дарья Кузнецовар, Пелагея Калининар, София Рычковар, Бзаго Даринэ ыкIи Мария Гороховар ти­командэ хэтыгъэх. ТикIалэхэм я 5-рэ чIыпIэр къыдахыгъ. Унэе зэнэкъо­къухэр пштэмэ, республикэм илIыкIо­хэмкIэ къэгъэлъэгъон анахь дэгъу зиIэхэр Артем Вариводиныр (я 24-рэ хъугъэ), Дарья Кузнецовар (я 12-р).