Партиеу «Единэ Россием» игуфакIохэм дзэ­кIолI­хэм, ахэм яунагъохэм, шъолъырыкIэхэмрэ къапэIус хэкухэмрэ ащыпсэухэрэм зэрадеIэхэрэр зэпагъэурэп.

ШIушIэ IэпыIэгъум къыхиубытэу шъолъырыкIэхэм анахьэу ящыкIагъэр афаугъои, зэуапIэм техникэр, хъытыухэр, шэф остыгъэхэр афа­тIупщых.
Мары мы мафэхэм станицэу Кужорскэм игуфэкIо купэу «Ти­дзэ­кIолIхэм агухэм яджэмакъ» («Зов сердец наших солдат») зыфиIорэм «ДзэкIолIым пае шIу­хьафтынкIэ» зэджэгъэхэ Iофтхьабзэ зэхищагъ. ГуфэкIо куп заулэмэ ахэтхэр зэдеIэжьхэзэ хэушъхьафыкIыгъэ дзэ операцием хэла­жьэхэрэм апае шIушIэ IэпыIэгъу агъэхьазырыгъ. Хъытыухэм къащегъэжьагъэу, цIыфым анахь ищыкIэгъэ пкъыгъохэм анэсэу ащ хэлъых, хьаджыгъэм хэшIыкIыгъэ шхыныгъохэри афа­гъэжъагъэх.
— ШIушIэным къыхэла­жьэмэ зышIоигъохэм Iэпы­Iэгъум къыхалъхьанэу яамалыр «Единэ Россием» икъо­тэгъухэм я Штаб къыра­хьылIэн алъэ­кIыщт. Ар зы­дэщыIэр: къалэу Мыекъуапэ, урамэу Проле­тарскэр, 449-рэ, — къыщыхагъэщыгъ «Единэ Россием» ишъолъыр къутамэ.