Илъэсыр къызихьагъэм къыщыублагъэу псау­ныгъэм икъэухъумэн епхыгъэ оборудование 33-рэ пстэумкIи Адыгеим къыщэфыгъ.

Цифрэ шIыкIэкIэ рентген зышIырэ псэуалъэу цэхэм зыщяIэзэхэрэ поликлиникэхэм ящыкIэгъэщтхэм федеральнэ бюджетым къыхэхыгъэ мылъку ыкIи шIокI зимыIэ медицинэ страхованием иахъщэ апэIухьагъ.
АР-м псауныгъэм икъэухъумэнкIэ и Министерствэ къызэритыгъэмкIэ, оборудованиеу къащэфыгъэм щыщэу 9-р цэхэм зыщяIэзэхэрэ республикэ поликлиникэм иотделениехэм ара­тыгъ, 4-р поселкэу Яблоновскэм иIэзапIэ фагъэкIуагъ, Джэджэ райо­ным ыкIи Адыгэкъалэ ясымэджэщ­хэм щырыщ ащагъэуцущт, адрэхэр псэупIэу Садовэм, къуаджэхэу Афы­псыпэрэ Щынджыерэ, поселкэхэу По­бедэм, Краснооктябрьскэм, Аб­дзэхэхьаблэ, къутырэу Северо-Восточные Сады яамбулаториехэм цэхэм зыщяIэзэхэрэ кабинетэу яIэхэм ачIэтыщтых.
— ЦIыфхэм медицинэ IэпыIэгъур къызIэкIэгъэхьэгъошIу афэшIыгъэныр анахьыбэу тынаIэ зытетхэм ащыщ. Ащ пае шъо­лъырым амалэу иIэхэм ямыза­къоу, мы лъэныкъом фыте­гъэпсыхьэгъэ лъэпкъ проектым, къэралыгъо программэхэм къащыдэлъытагъэхэр, «Единэ Россием» иIэпыIэгъу, къэралыгъо ыкIи унэе партнерствэр тэ­гъэфедэх, — къыхигъэщыгъ Адыгэ Респуб­ликэм и ЛIы­шъхьэу КъумпIыл Мурат.