Урысые политическэ пар­тиеу «Единэ Россием» и Шъо­­лъыр къутамэрэ АР-м ипрофсоюз­хэм я Федерациерэ зэрэзэдэлэ­жьэщтхэм фэгъэ­хьыгъэ зэзэгъыныгъэм блэкIыгъэ тхьамафэм зэдыкIэтха­гъэх.

Тхылъым яIэпэкIадзэхэр кIагъэу­цуагъэх организациитIум япащэхэу АфэшIэгъо Рэмэзанрэ Устэ Рус-­
лъанрэ.
ЦIыфхэм IофшIэнымкIэ социальнэ фитыныгъэу яIэхэр къэухъумэгъэнхэр, мы лъэныкъомкIэ шъолъыр хэбзэ­гъэуцугъэхэм ягъэкIэжьын лъэныкъуи­тIум язэдэлэжьэныгъэ анахьэу зы­фэгъэзэгъэщтыр. Джащ фэдэу «Единэ Россием» илъэпкъ программэ ыкIи Урысыем ипрофсоюзхэм я Федерацие ипрограммэу «За справедливую экономику» зыфиIорэм япхырыщыни ащ къыхеубытэ.
«Профсоюзхэм зэпхыныгъэ пытэ адытиIэнэу, шIуагъэ къы­тэу Iоф зэдэтшIэнэу тыщэгугъы. IофшIэным епхыгъэ хэбзэ­гъэуцугъэхэм ыкIи социальнэ-­экономикэ фитыныгъэу цIыфхэм яIэхэм япхыгъэ зигъо Iофхэм афэгъэхьыгъэ методическэ материалхэр дгъэхьазырынхэу, Iофтхьабзэхэр зэхэтщэнхэу гу­хэлъ тиI. АР-м ипрофсоюзхэм ­я Федерацие иэкспертхэр Iоф­шIапIэхэм аIутхэм ыкIи Iоф­шIэпIэ чIыпIэхэр къэзытыхэрэм упчIэжьэгъу зыщафэхъущтхэ зэIукIэгъухэр «Единэ Россием» ишъолъыр ыкIи ичIыпIэ къута­мэхэм, общественнэ приемнэхэм ащыкIощтых», — къыIуагъ АфэшIэгъо Рэмэзан.