Адыгэ Республикэм и Теуцожь район хьыкум илъэс 40 зыныбжь хъулъфыгъэу къуаджэу Щынджые щыщ Бэгугъэ Арамбый фэгъэхьыгъэ унашъоу ышIыгъэм къызэ­рэщиIорэмкIэ, Урысыем и ФСИН АР-мкIэ и ГъэIо­рышIапIэ иколониеу N 1-м ар чIэсызэ, УФ-м и Уголовнэ кодекс ия 282.2-рэ статья ия 2-рэ Iахь зигугъу къы­шIырэ бзэджэшIагъэр зэрихьагъ: пщыныжь ыхьэу а колонием чIэсызэ, экстремистскэкIэ алъытэрэ дунэе движениеу «Арестантское уголовное единство» зыфи­Iорэм дыригъаштэзэ, чанэу ащ иIофшIэн хэлажьэ­щтыгъ. ЦIыфыгъэ шапхъэу щыIэхэм, хабзэм апэшIуекIонхэм шъхьэихыгъэу къыфаджэщтыгъ, уигухэлъ къыбдэхъуным пае жъалымыгъэ зепхьан фаеу ылъытэщтыгъ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ уголовнэ Iофыр къыIэтыгъ ыкIи зэхифыгъ.