Мыщ фэдэ цIэ зиIэ десэхэр Хэгъэгум иухъумакIо и Мафэ ипэгъокIэу Адыгеим иеджапIэмэ ащырекIокIы.

Ахэр зыфытегъэпсыхьагъэхэр Хэгъэгум иухъумакIохэу Урысыем ишъолъыр зэфэшъхьафхэм ащыпсэухэрэм ягъэхъагъэхэмрэ ятарихърэ нэIуасэ кIэлэеджакIохэр афэшIыгъэн­хэр ары: лIыхъужъхэр егъэджэн тхылъ закъохэр арэп зыдэтхэр — ахэр тичIыгогъух, тигъунэгъух, ти­гуп­сэх — къыщаIуагъ гъэсэныгъэмрэ шIэныгъэмрэкIэ АР-м и Министерствэ.
Министерствэм джащ фэдэу къызэрэщыхагъэщыгъэмкIэ, ащ фэдэ Iофтхьабзэхэм ащыщ хэлэжьагъэх гъэсэныгъэмрэ шIэныгъэмрэкIэ АР-м иминистрэу Евгений Лебедевымрэ федеральнэ программэу «ЛIыхъужъхэм яуахътэ» хэлэжьэрэ Сергей Ковалевымрэ. КIэлэеджакIохэр ягъусэу Урысыем и ЛIыхъужъэу, полковникэу Роман Тороховым исаугъэт къэгъагъэхэр кIэралъхьагъэх, ащ ыцIэ гурыт еджапIэу N 1-м ехьы. Ащ ыуж десэу «Мэхьанэ зиIэ зэдэгущыIэгъухэр» зыфиIорэр рагъэ­кIокIыгъ, лIыхъужъныгъэм, намысым ямэхьанэ ащ щытегущыIагъэх, джащ фэдэу лIэужхэм язэпхыныгъэ, «Единэ Россием» ипатриотическэ проектхэм ягугъу ашIыгъ.
— Мыщ фэдэ зэIукIэгъумэ яшIуагъэкIэ ныбжьыкIэмэ тарихъым уасэ фашIы ыкIи яхэгъэгу инеущырэ мафэ зыфэдэщтымкIэ пшъэ­дэкIыжь зэрахьырэр зэхашIыкIы. Непэрэ лIы- хъужъхэр хъишъэм щыщ­хэп, ахэр къытхэтых, ти­гъусэх, япсэукIэ тэркIэ щысэтехыпIэ мэхъу, — къыхагъэщыгъ Iофтхьабзэм изэхэщакIохэм.