Гуманитар ушэтынхэмкIэ Адыгэ республикэ институтым адыгабзэр зэзыгъашIэ зышIоигъохэр еугъоих. Адыгабзэм изэгъэшIэн ыкIи икъэухъумэн дэлэжьэрэ Проектнэ офисым ишIуагъэкIэ аужырэ илъэсхэм ыпкIэ хэмылъэу курсхэр зэхащэх.

Егъэджэнхэр мэзиплIырэ макIох, кIэлэцIыкIухэр ыкIи нахьыжъхэр ащ екIолIэнхэ алъэкIыщт. Адыгабзэм хэшIыкIэу фыряIэм елъытыгъэу ахэр куп-купэу гощыгъэхэу рагъэджэщтых. Республикэм ит гъэсэныгъэ организациехэм Iоф а­щызышIэрэ кIэлэегъэджэ анахь дэгъу­хэр ары езыгъэджэщтхэр.
ШIоигъоныгъэ зиIэхэр телефонэу 52-16-23-м пчэдыжьым сыхьатыр 9-м къы­щегъэжьагъэу пчыхьэм сыхьатыр 5-м нэс теон алъэкIыщт. КъэкIорэ тхьамафэм егъэджэнхэр аублэщтых.