Росреестрэм и ГъэIорышIапIэу АР-м щыIэм хэушъхьафыкIыгъэ дзэ операцием хэлажьэхэрэм афатIупщынхэу автомобилиплI Народнэ фронтым ишъолъыр къутамэ ритыгъ.

Ахэм ащыщэу тIур «UAZ Patriot» зыфиIорэ лъэпкъых, адрэхэр – «WOLKSWAGEN PASSAT» ыкIи «SKODA OKTAVIA». Техникэм изытет дэгъу, агъэфедэным фэхьазыр. УФ-м и Правительствэ иунашъоу федеральнэ къулыкъухэмрэ ахэм япхыгъэ организациехэмрэ шъолъырыкIэхэм якъэухъумэн ыкIи шIушIэ IэпыIэгъу ятыгъэным мылъку къыхалъхьаным фэгъэхьыгъэм диштэу транспортыр къатыгъ.
«Народнэ фронтыр дзэкIолIхэм ящыкIагъэр аригъэгъотыным сыдигъокIи пылъ. Транспорт е нэмыкI техникэ подразделениехэр къыкIэлъэIухэу бэрэ къыхэкIы. Мы автомашинэхэр тикIалэхэм IэпыIэгъу­шхо афэхъущтых. ХэушъхьафыкIыгъэ дзэ операциер зырагъэжьа­гъэм къыщыублагъэу Адыгеим и Народнэ фронт техникэр етIупщыгъэу афегъакIо, тапэкIи а IофшIэныр лъыдгъэкIотэщт», — къыхигъэщыгъ АР-м и Народнэ фронт игъэцэкIэкIо комитет ипащэу Юрий Гороховым.
ХэушъхьафыкIыгъэ дзэ операцием хэлажьэхэрэм ящыкIагъэр аIэкIэгъэхьэгъэ­нымкIэ къэралыгъомрэ общественнэ организациехэмрэ зэрэзэдеIэжьхэрэр джыри зэ мыщ къеушыхьаты.