Дышъэ медаль къыхьыгъ
Щэбзэ щэрыонымкIэ Урысые зэнэкъокъоу «Лъэпкъхэм язэныбджэгъуныгъ-2026» зыфиIорэр Республикэу Ингушетием щыкIуагъ.
Олимпийскэ резервым испорт еджапIэу В. С. Максимовым ыцIэ зыхьырэм зыщызыгъэсэрэ Иван Лемешевым ухьазырыныгъэ дэгъу къыгъэлъэгъуагъ, дышъэ медаль къыдихыгъ.
Къэралыгъом ишъолъыр зэфэшъхьафхэм къарыкIыгъэ спортсмени 130-м ехъумэ заушэтыгъ, текIоныгъэм ыкIи хагъэунэфыкIырэ чIыпIэхэм афэбэнагъэх. Ахэм ахэтыгъэх спортымкIэ дунэе класс зиIэ мастерхэр, Урысыем гъогогъу пчъагъэрэ ичемпионхэр.
Иван Лемешевым Адыгеир зэрифэшъуашэу зэнэкъокъум къыщигъэлъэгъуагъ, къытефэу текIоныгъэр къыфагъэшъошагъ. ТикIэлэ ныбжьыкIэ ыкIи ар зыгъэсэхэрэ тренерхэу Александр Баламутовымрэ Светлана Баранцевамрэ тафэгушIо, тапэкIи мыщ фэдэ гъэхъэгъэшIухэр ашIынхэу, республикэм ыцIэ дахэкIэ рарагъэIонэу афэтэIо.