Атлетикэ онтэгъумкIэ Урысыем ипервенствэ мэзаем и 16-м къыщегъэжьагъэу и 24-м нэс къалэу Екатеринбург щыкIощт.

Илъэс 15 — 18 ыкIи 19 — 20 зыныбжь кIалэхэмрэ пшъашъэхэмрэ мыщ хэлажьэх.
Олимпийскэ резервым испорт еджапIэу М. Н. Чыржьыным ыцIэ зыхьырэм къызэрэщаIуагъэмкIэ, Адыгэ Республикэм ыцIэкIэ зэнэкъокъум хэлажьэх: Роман Оглы, Андрей Кармановыр, Ацумыжъ Самир, ЛъэпцIэрышэ Рэмэзан, Ордэкъо Астемир, Бырдж Айдэмыр, Иван Токарчук, Никита Карповыр (илъэс 15 — 18 зыныбжьхэр); Бгъошэ Асхьад, Виктория Дедиковар (илъэс 18 — 20 зыныбжьхэр).
Атлетикэ онтэгъумкIэ дунаим ичемпионат хэлэжьэщтхэр мы зэнэкъокъум къыщыхахыщтых, ар жъоныгъуакIэм и 2-м къыщыублагъэу и 8-м нэс Египет щыкIощт.