Пиротехникэр агъэфедэ хъущтэп
Щынэгъончъэныр гъэлъэшыгъэным тегъэпсыхьагъэу шышъхьэIум и 1-м нэс мэшIоустхъохэр Адыгеим щыдафыехэ хъущтэп.
Хэбзэ къулыкъухэм зэхащэрэ Iофтхьабзэхэр ахэм ахахьэхэрэп. Адыгеим и ЛIышъхьэ ышIыгъэ Указым диштэу техническэ регламентымкIэ а I-рэ, я II-рэ, я III-рэ классым хэхьэрэ щынагъо къыздэзыхьын зылъэкIыщт пиротехникэр Адыгеим щагъэфедэ хъущтэп. ХлопушкэкIэ, бенгальскэ остыгъэкIэ, фонтанкIэ заджэхэрэр ахэм ахалъытэхэрэп.
— 2026-рэ илъэсым шышъхьэIум и 1-м нэс ащ фэдэ шапхъэм рыгъозэнхэ фае. ЦIыфхэми, организациехэми ар афэгъэхьыгъ. Хэбзэ къулыкъухэм зэхащэрэ Iофтхьабзэхэр (къэралыгъо мэфэкIхэр ыкIи ахэм яхьыщыр хъугъэ-шIагъэхэр) ащ къыхиубытэхэрэп. Общественнэ рэхьатныгъэмрэ щынэгъончъэнымрэ къэухъумэгъэнхэм фэшI ащ фэдэ унашъо зыкIаштагъэр, — къыщаIуагъ Адыгэ Республикэм и Правительствэ.