Урысые политическэ партиеу «Единэ Россием» ишъолъыр штаб Iофтхьэбзэ зэфэшъхьафыбэ зыщызэха­щэрэ площадкэу щыт. Экологхэмрэ краеведхэмрэкIэ ар яшIэныгъэхэм ахагъэхъоным, яIэпэIэсэныгъэкIэ зэдэгощэнхэм фэшI зыщызэIукIэхэрэ чIыпIэ хъугъэ.

ГущыIэм пае, мысатыу организациеу «Заповедный Кавказ» зыфиIорэм иIофышIэхэмрэ Урыс географическэ об­ществэм хэтхэмрэ студентхэм ядунэе организациеу «АЙСЕК» имедиапроек-
тэу «Адыгеим имозаикэкIэ» зэджагъэхэм хэлажьэхэрэм апае республикэм ичIыпIэу хэушъхьафыкIыгъэу къагъэгъунэ­хэрэм афэгъэхьыгъэ лекциехэр зэхащэгъагъэх.
Урысыем ишъолъыр зэфэшъхьафхэм ястудентхэр, КъокIыпIэ Чыжьэм къы­щегъэжьагъэу Ленинград хэкум нэсэу, тиреспубликэ итарихъ, икультурэ, ичIыопс нэIуасэ зафашIынэу ыкIи Адыгеим фэгъэхьыгъэ фильм агъэуцунэу къэкIуагъэх.
Мысатыу организациеу «Заповедный Кавказ» зыфиIорэм къызэрэща­IуагъэмкIэ, лекциехэм шъолъырым къы­щыкIыхэрэм, псэушъхьэу, хьэцIэ-пIацIэу щыпсэухэрэм якъызэтегъэнэн фыте­гъэпсыхьэгъэ проектэу щыпхыращыхэрэм нэIуасэ щафашIыгъэх. Джащ фэдэу гуманитар ушэтынхэмкIэ Адыгэ республикэ институтым инаучнэ IофышIэхэу Къуекъо Асфаррэ Марьетрэ нарт эпосым, лъэпкъым ихудожественнэ культурэ, Адыгеим исурэтышIхэм ятворчествэ афэгъэхьыгъэ лек­циехэр ныбжьыкIэхэм афызэхащэгъа­гъэх.
Фильмыр зыщытырахыгъэ чIыпIэхэм ащыщ сурэт къэгъэлъэгъуапIэу Мые­къуапэ дэтыр. Ащ иэкскурсоводэу Екатерина Ерпылевам «Адыгеим исурэтышIхэм яIофшIагъэхэм хъулъфыгъэм ипортрет къызэращыгъэлъэгъуагъэр» зыфиIорэ къэгъэлъэгъоным ыкIи рес­публикэм ипрофессиональнэ сурэтышIхэм якъэгъэлъэгъонэу ыпкIэ зыхэмылъым нэIуасэ фишIыгъэх.