Сэнэхьат ухьазырыныгъэмкIэ шъолъыр программэу «Адыгеим и ЛIыхъужъхэр» зыфиIорэм хэлэжьэнэу къыхахыгъэ апэрэ купэу нэбгырэ 18 хъурэм яеджэн иятIонэрэ едзыгъоу «Экономика и финансы» зыфи­Iорэм падзэжьыгъ.

Ащ къыдыхэлъытагъэу АР-м мэкъу-мэщымкIэ иминистрэу Къуанэ Анзаур тилIыхъужъхэм лек­цие къафеджагъ.
Еджэныр зыфэгъэхьыгъагъэр мэкъумэщ хъыз­мэтыр ыкIи къэралыгъом имэкъумэщ политик ары. Министрэр игъэ­кIотыгъэу къатегущыIагъ мэкъумэщ хъызмэтыр къэзыгъэпсырэ лъэны­къохэм, ахэм шIуагъэу тишъолъыр иэкономикэ халъхьэрэм ыкIи хэ­хъоныгъэ ашIынымкIэ пшъэрылъэу щыIэхэм.
Нэужым программэм хэлажьэхэрэр Мыекъопэ пивэшI заводым щыIа­гъэх, ащ къыдэгъэкIын IофшIэным зыщыщагъэгъозэн амал яIагъ. Технологическэ Iофыр ублапIэм къыщегъэжьагъэу ыкIэм нэсэу зэрагъэца­кIэрэр къафаIотагъ.

Джырэ шэпхъакIэхэм адиштэрэ оборудованиеу чIэтхэм, къыдагъэкIыхэ­рэм язытет лаборатор-
нэу зэрауплъэкIурэм нэ­Iуасэ зыфашIыгъ. Джащ фэдэу заводым ианахь ижъырэ унэу пивэ гъэ­жъопIэ цIыкIу зыхэтым рагъэблэгъагъэх.
Мэкъумэщ хъызмэтым имэхьанэу къафаIотагъэр чIыпIэ къыдэгъэкIыжьыным ипрактикэкIэ зекIом зэрипхыгъэх. ТапэкIэ гъэIорышIакIо хъущтхэм тэрэзэу унашъохэр аш­тэн­хэмкIэ, къыдэгъэкIа­кIо­хэм IэпыIэгъу афэхъу­гъэнымкIэ программэхэр агъэпсынхэмкIэ, мэкъу-­мэ­щым джырэ технологиехэр щагъэфедэнхэмкIэ мыр амалышIу афэхъущт.