Адыгеим видеолъыплъэнымкIэ итехническэ амалхэр процент 69-кIэ нахьыбэ хъугъэх.

Аппарат-программнэ комплексэу «Къэлэ щынэгъончъ» зыфиIорэм къыдыхэлъытагъэу республикэм итхэм япчъагъэ 1096-м нэсыгъ.
Видеолъыплъэным исистемэ тапэкIи зырагъэушъомбгъуным фэшI 2026-рэ илъэсым лъэныкъо зэфэшъхьафхэмкIэ Iоф зышIэщт камери 123-рэ агъэуцун гухэлъ яI.
АР-м и ЛIышъхьэ ипресс-­къулыкъу къызэритыгъэмкIэ, мэкъэгъэIу системэхэм язэтегъэпсыхьан епхыгъэ Iофтхьа­бзэхэр зэрахьэх. Ащ хэхьэ гузэжъогъу мэкъэгъэIу зэхэубытэгъэ системэу цIыфхэм зызэрафагъазэрэр ыкIи сис­темэу-112-р, джащ фэдэу аппарат-программнэ комплексэу «Къэлэ щынэгъончъэр». 2025-рэ илъэсым системэу-112-м гъогогъу мин 400-м ехъурэ зыфагъэзагъ.
Адыгеим и ЛIышъхьэу КъумпIыл Мурат зэрэхигъэунэфыкIыгъэмкIэ, къэхъун ылъэкIыщт ошIэ-дэмышIэ Iофхэр пэшIо­рыгъэшъэу дэгъэзыжьыгъэн­хэмкIэ республикэм IэпэчIэгъэ­нэ мылъку щагъэнэфагъ, кIуачIи амали щыIэх. Граждан ухъумэнымкIэ ыкIи ошIэ-дэмышIэ Iоф­хэмкIэ муниципальнэ комиссиехэм ятхьаматэхэм — псэу­пIэхэм япащэхэм — лъэтемытэу хъугъэ-шIагъэмкIэ макъэ ягъэ­Iугъэнэу щыт, игъом ищыкIэгъэ унашъор аштэнымкIэ.