Мы мазэм и 25 — 26-м Мыекъопэ къэралыгъо технологическэ университетым Дунэе форумэу «ЦIыф зэрымыс ­системэхэр: лъэныкъуитIумэ атегъэ­псыхьэгъэ технологиехэр» зыфиIорэр щыкIощт.

Ащ къыдыхэлъытагъэу шIэныгъэ-практическэ кон­ференциеу цIыф зэрымыс системэхэмрэ IэрышI акъылымрэ афэгъэхьы­гъэр, цIыф зэрымыс быбырэ пкъыгъохэм якъэ­гъэлъэгъон, еджакIохэм апае хэушъхьафыкIыгъэ егъэджэн программэ зэхащэщтых.
Джырэ уахътэм цIыф зэрымыс быбырэ систе­мэхэр зыщагъэфедэрэ лъэныкъохэм зарагъэу­шъомбгъу, дзэм нэмыкIэу тищыIэныгъи жъугъэу къы­хэхьагъэх. Лъэхъаным диштэрэ сэнэхьатыр зэзыгъэгъотыхэрэм лэжьэпкIэ дэгъу зыпылъ IофшIэни нэужым агъотышъущт. Мыщ фэгъэхьыгъэ гъэсэныгъэ тирес­публикэ къыщыз­IэкIа­гъэ­хьан алъэкIыщт МКъТУ-м игъэсэныгъэ гупчэ. Джырэ уахътэм ащ курсантхэм яштэн щы­рагъэкIокIы.
Урысыем зыкъэухъу­мэжьынымкIэ и Минис­терстви гъэсэныгъэ щызэрагъэгъотышъущт. За­пасым щыIэхэу зыныбжь илъэс 18-м къыщыубла­гъэу 45-м нэсыхэрэр ыкIи техническэ апшъэрэ еджа­пIэхэм ястудентхэр дзэ къулыкъум зэзэгъыныгъэ­кIэ аштэх цIыф зэрымыс быбырэ системэхэм ягъэ­IорышIэнкIэ дзэхэм ащ фэ­гъэхьыгъэ сэнэхьатым фырагъэджэжьхэзэ.
Дзэ къулыкъу зыхьы­хэ­рэм зэтыгъоу сомэ миллиони 2,4-рэ Адыгеим ща­раты, джащ фэдэу мазэ къэс сомэ мин 220-м къыщыублагъэу, пыим итех­никэу агъэкIодыгъэм пае тын, дзэ операцием хэлажьэхэрэм къатефэрэ фэгъэкIотэнхэр аратых хэушъхьафыкIыгъэ дзэ операцием щыIэхэм.
Зэзэгъыныгъэм щыкIэтхэшъущтых дзэм кIощт-
хэр къызщыхахыхэрэ чIыпIэхэм е зыщыпсэухэрэм епхыгъэ дзэ комиссариатым. УпчIэ пстэумкIи IэпыIэгъу къазщыфэхъущтхэр: къ. Мыекъуапэ, ур. Комсомольскэр, 217-рэ, я 119-рэ, 102-рэ каби­нетхэр, е телефонхэу: 8 (8772) 52-11-27, 52-11-25. Зэзэгъыныгъэ шIыкIэкIэ къулыкъу зыхьы зышIоигъохэм апае линие плъырыр: 117#4 ыкIи 8 (8772) 52-11-28.