Мэзаем и 15-м АР-м иобщественнэ движениеу «Адыгэ Хасэ — Черкес парламентым» зэ­фэ­хьысыжь-хэдзын зэ­фэс иIэщт. Концерт гъэлъэгъуапIэу «Налмэсым» сыхьатыр 10-м ар щы­рагъэжьэщт.

Зэфэсым блэкIыгъэ илъэсым Хэсашъхьэм иIофшIэн зыфэ­дагъэр щызэфахьысыжьыщт
ыкIи СоветыкIэу зэхащэщтым хэтыщтхэм амакъэхэр фатыщт, нэужым ахэм общественнэ движением итхьамэтакIэ ха­дзыщт.
Зэфэсым изыфэгъэхьазырын хахьэу АР-м лъэпкъ Iоф­хэмкIэ, IэкIыб къэралхэм ащы­псэурэ зэлъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет итхьаматэу Долэ До­лэт­быйрэ АР-м иобщественнэ движениеу «Адыгэ Хасэм» ипа­щэу ЛIымыщэкъо Рэмэзанрэ республикэм ирайон гупчэхэм ащыIагъэх.
— Районхэм ятхьаматэхэм зэкIэми зэфэсым илIыкIохэр аIукIагъэх, Iофтхьабзэр шIуагъэ къытэу зэхэщэгъэнымкIэ упчIэу къэуцухэрэр зэхафыгъэх. Шъолъырым илъ щыIакIэр къыдалъытэзэ зэIукIэ­гъухэр гъэшIэгъонэу рекIокIыгъэх, — къыщаIуагъ Коми­тетым.
Ащ нэмыкIэу, адыгабзэм икъэухъумэн, ныбжьыкIэхэм ащ уасэ фягъэшIыгъэным ыкIи культурэм иIофыгъэхэм зэIу­кIэгъум щытегущыIагъэх.