Хэбзэ кIуачIэ иIэ хъугъэ
Къыблэ шъолъыр дзэ хьыкумым (къалэу Ростов-на-Дону) Мыекъуапэ щыщ илъэс 19 зыныбжь Идрис Идибековым иуголовнэ IофкIэ кIэух унашъор ыштагъ.
Урысыем и Уголовнэ кодекс ия 30-рэ статья ия 3-рэ Iахь, ия 205-рэ статья ия 2-рэ Iахь ипунктэу «а»-м, ия 205.1-рэ статья иа 1.1-рэ Iахь, ия 205.5-рэ статья ия 2-рэ Iахь зигугъу къашIырэ бзэджэшIагъэхэр зэрихьагъэкIэ ар агъэмысэ.
ЗэрагъэунэфыгъэмкIэ, И. А. Идибековыр дунэе террористическэ организациеу Урысыем щызэхащэн фимытым хэтыгъ, ащ иIофшIэн зэрэдыригъаштэрэр ыушъэфыщтыгъэп, террористическэ организацием хэхьанэу, ащ иIофшIэн хэлэжьэнэу IэкIыб къэралыгъом игражданин еушъыищтыгъ. Ащ нэмыкIэу И. А. Идибековым террористическэ акт зэрихьанэу, дин псэуалъэу Мыекъуапэ дэтыр ыгъэстынэу, дин пащэхэр, учреждениер къэзыухъумэрэ организацием иIофышIэхэр ыукIынхэу мурад иIагъ.
Уголовнэ Iофыр къызэIузыхыгъэр ыкIи зэхэзыфыгъэр Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапI ары.
Къыблэ шъолъыр дзэ хьыкумым И. А. Идибековым илъэс 17 хьапсэу тырилъхьагъ. Хьыкумым иунашъо хэбзэ кIуачIэ иIэ хъугъэ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ
и ГъэIорышIапIэ ипресс-къулыкъу