ГандболымкIэ Урысые зэнэ­къокъум иящэнэрэ едзыгъо хэлажьэх Мыекъуапэ испорт еджапIэу
С. М. Джэнчатэм ыцIэ зыхьырэм зыщызыгъасэхэрэр. Зыныбжь илъэс 13-м емыхъугъэ пшъа­шъэхэр ары зызыушэтыхэрэр.

Къалэу Волгоград щызэхащэгъэ Iофтхьабзэм командих щызэIу­кIагъ, ахэм яешIэ­гъу­хэм язэфэ­хьысыжьхэм къагъэнэфэщт фи­налым ихьащтыр.
Тренер-кIэлэегъаджэу Яна Ус­ковам ыгъа­сэхэрэм зэIукIэгъуищ яIагъ, тIум текIоныгъэр къащы­дахыгъ.
— Апэрэ ешIэгъум тигандболисткэ ныбжьыкIэхэр Волгоград илIыкIохэм атекIуагъэх, пчъагъэр — 23:12. ЯтIонэрэр Рос­тов-на-Дону икомандэу «СШОР N 8-м» 16:27-у ашIуи­хьыгъ. Ящэнэрэм ­Воронежскэ хэкум дешIагъэх, пчъагъэр 23:20-у ­Мыекъуапэ ипшъашъэхэм текIоныгъэр къыдахыгъ, — къыща­Iуагъ спорт ­еджапIэм.
Яна Усковам ыгъасэхэрэм джыри ешIэгъуитIу яIэщт, Санкт-­Петербург ыкIи Москва якомандэхэм адешIэщтых.