ХэушъхьафыкIыгъэ дзэ операцием хэлажьэхэрэм апае къэралыгъом и Правительствэ амалыкIэхэр къызэIуихыгъэх. Мы илъэсым иапэрэ мафэ къыщыублагъэу Урысыем социальнэ зэзэгъыныгъэ шъхьаф щагъэпсы хъугъэ дзэ операцием къикIыжьыгъэхэу хэмылэжьэжьыхэрэм апае. Ежь иIоф къызэIузыхы е зезыгъэушъомбгъу зышIоигъохэр ары ар зытегъэпсыхьагъэхэр.

Ащ пае мылъку къатIупщы. Анахьыбэм зэтыгъоу аIэкIагъахьэрэр сомэ мин 350-м нэсы ыкIи унагъом исхэм гурытымкIэ къатефэрэ мылъкур къыдэмылъы­тагъэу араты. Ахъщэр предприниматель IофшIэным икъызэIухын е изегъэушъом­бгъун, шIэныгъэу аIэкIэлъым ихэгъэхъон е ар зэрагъэгъотыным, сэнэхьатэу яIэмкIэ гухэлъхэм япхырыщын дзэ къулыкъум ыуж апэIуагъэхьан алъэкIыщт.
Шъугу къэдгъэкIыжьын, 2025-рэ илъэсым социальнэ зэзэгъыныгъэр къызфэзыгъэфедагъэр унэгъо 1047-рэ. Мыхэм ащыщэу 443-мэ сатыу цIыкIу къызэIуа­хыгъ, нэбгыри 159-рэ зеджэжьыхэ уж IофшIапIэ Iухьагъэх, унэгъо 298-мэ унэе хъызмэт къызэIуахи бэдзэрым ихьагъэх, унэгъуи 147-у щыIэкIэ къин зиIэхэм IэпыIэгъу арагъэгъотыгъ.