Урысыем щызэлъашIэрэ хьисаплэжьэу ыкIи экономистэу Фуад Алескеровыр мы мафэхэм Адыгеим щыI, Адыгэ къэралыгъо университетым лекциехэр «Сетевой зэхэфын» зыфиIорэм къыдыхэлъытэгъэ моделыкIэу щыIэхэм япхыгъэу ар къэзэрэугъоихэрэм гущы­Iэгъу афэхъу.

— Мыщ фэдэ лекциехэр къэралыгъом ишъолъыр 11-мэ, Урысыем икъэлэ 17-мэ ыкIи IэкIыб къэра­лыгъохэм ащыIэ апшъэрэ еджэпIитIумэ къащыттынхэу дгъэхьазырыгъ. Хьисап шIэныгъэр бгъэфе-дэзэ шъолъырым иэкономикэ хэ­хъоныгъэ зэребгъэшIын плъэкIыщтыр ары анахьэу ахэр зыфэ­гъэхьыгъэхэр. Пшъэрылъ шъхьаIэр шъолъырхэм хэхъоныгъэхэр ашIынхэр, цIыфхэм ящыIэкIэ-псэукIэ нахьышIу шIыгъэныр ары, — къы­Iуагъ Фуад Алескеровым.

Iофтхьабзэм ишIуагъэкIэ хьисапыр, ащ иформулэхэр ыкIи итеоремэхэр къызфэбгъэфедэхэзэ социальнэ-экономикэ пшъэрылъхэр бгъэцэкIэнхэ зэрэплъэкIыщтыр ныб­жьыкIэхэм зэхашIагъ.
Фуад Алескеровыр джэгукIэ теориемкIэ специалист, техническэ шIэныгъэхэмкIэ доктор, профес-
сор. Университетэу «ЭкономикэмкIэ апшъэрэ еджапI» зыфиIорэм изаслуженнэ профессор. Урысые Федерацием шIэныгъэмкIэ ыкIи техникэмкIэ иIофышIэ гъэшIуагъ, Европэм иакадемие хэт.
ДЕЛЭКЪО Анет.