Советым изэхэсыгъу
Щылэ мазэм и 26-м Мыекъуапэ игупчэ мэщыт АР-м ыкIи Пшызэ шъолъыр ащыпсэурэ быслъымэнхэм я ДиндэлэжьапIэ и Совет хэтхэм зэхэсыгъо щыряIагъ.
Iофтхьабзэм хахьэу 2026-рэ илъэсым Iоф зэрашIэщтым тегущыIагъэх, ащ къыдыхэлъытагъэх зэхэщэн, пэшIорыгъэшъ ыкIи узыгъэгъозэрэ IофшIэнхэр.
Муфтиим игуадзэхэм ыкIи иIэпыIэгъухэм мы илъэсэу тызхэтым ашIэнэу щытхэр, ащкIэ пшъэрылъ шъхьаIэхэр къагъэнэфагъэх, джащ фэдэу ныбжьыкIэхэм Iоф зэрадашIэщтым, лъэпкъ зэфыщытыкIэхэм ыкIи гушъхьэлэжь пIуныгъэм яIофыгъохэм атегущыIагъэх.
Анахьэу анаIэ зытырагъэтыгъэр НэкIмазэу къэблагъэрэм иIофыгъохэр ары.
КIэухым мы лъэныкъомкIэ пшъэдэкIыжь зыхьырэ Iимамхэм унэшъо гъэнэфагъэхэр афашIыгъэх.