Лъытэныгъэ зыфэтшIырэ студентхэр! Ныбджэгъу лъапIэхэр!
Урысыем истудентхэм я Мафэ фэшI тышъуфэгушIо!

Мы мэфэкIыр ныбжьыкIэгъум, шIэныгъакIэхэр зэгъэгъотыгъэнхэм, хъугъэ-шIэгъэ гъэшIэгъонхэм ятамыгъэу щыт. ЩыIэныгъэ гъогушхом ыцыпэ джы шъу­теуцуагъ, шъуипшъэ­рылъхэми, шъуипшъэ­дэкIыжьи ахахъо­зэ, нахь псыхьагъэ шъухъузэ шъулъы­кIотэщт.
Студентхэр обществэм икIочIэ анахь чанхэм ренэу ахэтыгъэх ыкIи ахэтых. Ягуетыныгъэ, шIэныгъэхэм зэрафэблыхэрэм, творчествэмкIэ амалышхохэр зэряIэхэм яшIуагъэкIэ лъэныкъо зэфэшъхьафхэм гъэхъэгъэ инхэр зэрэщашIыщтхэм ущыгугъын плъэкIыщт. Ухьазырыныгъэу ахэм яIэщтым ишIогъэ­шхо къэкIощт лъэгэпIэ инхэм анэсынхэмкIэ, тиреспублики, тихэгъэгуи нахь зэтегъэпсыхьагъэ хъунхэм яIахь хашIыхьанымкIэ.
Непэ ныбжьыкIэхэм Адыгеим амалышхохэр щаряIэх зыкъызэIуахынымкIэ. Шъуигуетыныгъэ, шъуиIэпэIэсэныгъэ яшIуагъэкIэ шъуигухэлъ дахэхэр къызэрэжъудэхъущтхэм тицыхьэ телъ.
ТиныбжьыкIэ лъапIэхэр, зэкIэми тышъуфэлъаIо псауныгъэ пытэ шъуиIэнэу, шъуимурад дахэхэр къыжъудэхъунхэу! ЩыIэныгъэм чанэу шъухэлажь, творчест­вэм зежъугъэушъомбгъу, тихэгъэгу епэсыгъэ цIыфэу шъущыт!
Адыгэ Республикэм и ЛIышъхьэу, Урысые политическэ партиеу
«Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет - Хасэм и Тхьаматэу
Владимир Нарожнэр